Health Benefits of Strawberries : जीवनसत्त्वे : जीवनसत्व क चांगल्या प्रकारे उपलब्ध होते. त्यामुळे रोगप्रतिकारक शक्ती आणि त्वचेच्या आरोग्यासाठी फायदेशीर ठरते. त्यात जीवनसत्त्व अ, क आणि विविध प्रकारची ब जीवनसत्त्वेदेखील असतात.

अँटिऑक्सिडंट्स : स्ट्रॉबेरी अँथोसायनिन्स आणि इलाजिक ॲसिडसारख्या अँटिऑक्सिडंट्सने परिपूर्ण आहेत. हे घटक पेशींचे संरक्षण करत असल्यामुळे जुनाट आजारांचा धोका कमी करतात.

हृदयाचे आरोग्य : स्ट्रॉबेरीमध्ये उच्च अँथोसायनिन घटक असल्यामुळे कोलेस्टेरॉलची पातळी आणि रक्तदाब कमी करतात. त्याचा फायदा हृदयाच्या आरोग्यासाठी होतो.

तंतुमय पदार्थ : तंतूमय पदार्थांचा चांगला स्रोत असून, पचनास मदत करतात. रक्तातील साखरेची पातळी नियंत्रित राखण्यास मदत होते.

दाह विरोधी : स्ट्रॉबेरीमधील अँटिऑक्सिडंट्समध्ये दाह विरोधी गुणधर्म असतात. जळजळ, दाह यांचा धोका कमी होतो.

त्वचेचे आरोग्य : स्ट्रॉबेरीमधील जीवनसत्व क हे निरोगी त्वचेसाठी आवश्यक अशा कोलेजन उत्पादनास प्रोत्साहन देते.

वजन व्यवस्थापन : स्ट्रॉबेरीमध्ये कॅलरी कमी असून, तंतूमय घटकांचे प्रमाण जास्त असते. हे वजन नियंत्रित करणाऱ्यांसाठी आहाराचा उत्तम पर्याय ठरू शकतात.

हाडांचे आरोग्य : पोटॅशिअम आणि मॅग्नेशिअम यासारखी खनिजे असून, ती हाडांच्या आरोग्यासाठी फायदेशीर ठरतात.

कर्करोग प्रतिबंध : स्ट्रॉबेरीमधील अँटिऑक्सिडंट हे विशिष्ट प्रकारच्या कर्करोगापासून संरक्षण करण्यात महत्त्वाची भूमिका निभावत असल्याचे काही संशोधनातून पुढे आले आहे.

पाण्याची पूर्तता : स्ट्रॉबेरीमध्ये पाण्याचे प्रमाण जास्त असल्याने शरीरातील पाण्याची पूर्तता वेगाने करून डीहायड्रेशनच्या स्थितीमध्ये उपयुक्त ठरतात.

कृष्णा काळे, ८८०५९६८५३६

(लेखक खासगी कंपनीत कार्यरत आहेत.)