Agriculture Market Bulletin: तुरीच्या दरात सुधारणाराज्यातील तूर बाजारात आज आवकेत चढ-उतार असला, तरी काही बाजार समित्यांमध्ये दरात सुधारणा झाली आहे. आज अकोला बाजारात तुरीची आवक कालच्या ७५५ क्विंटलवरून वाढून आज ९५१ क्विंटल झाली. सरासरी दरात २५ रुपयांची वाढ होऊन आज ९ हजार ९२५ रुपये प्रति क्विंटल भाव मिळाला. दुसरीकडे, कारंजा बाजारात तुरीची आवक तब्बल ८७५ क्विंटलने कमी होऊन ६५० क्विंटल झाली, तर सरासरी दरात फक्त ३० रुपयांची वाढ होऊन १० हजार ३० रुपये प्रति क्विंटल दर मिळाला. तर, मुर्तीजापूर बाजारात तुरीची आवक किंचीत वाढून १०० क्विंटल झाली. मात्र, सरासरी दरात १० रुपयांची घट होऊन ९ हजार ८८५ रुपये प्रति क्विंटल भाव मिळाला. एकूणच तुरीच्या बाजारभावाला चांगला आधार मिळत असल्याचे चित्र आहे..कापसाचे भाव टिकूनदेशभरात कापसाचे दर सध्या आवक आणि मागणीवर ठरत असून, कापड उद्योगाची मागणी कायम असल्याने बाजारभाव चांगले टिकून आहेत. राज्यातील बाजार समित्यांमध्येही असेच चित्र असून, राळेगावमध्ये आज कापसाची आवक कालच्या ४ हजार ४०० वरून ५ हजार ५०० क्विंटलपर्यंत वाढूनही दर ९ हजार २०० रुपये प्रति क्विंटलवर टिकून राहिला होता. तर किल्ले धारूरमध्ये मध्यम स्टेपल कापसाची आवक काहिशी कमी होऊन १ हजार ३७३ क्विंटल होती. तसेच, सरासरी दरात २७ रुपयांची वाढ होऊन आज ९ हजार ४५० रुपये भाव मिळाला. याशिवाय देऊळगाव राजामध्ये लोकल कापसाची आवक १२० क्विंटलने घसरूनही दर ९ हजार ५०० रुपयांवर स्थिर राहिले होते. एकूणच आवक कमी-जास्त होत असली तरी राज्यात कापसाचे भाव चांगलेच राहतील असा अंदाज कापूस बाजारातील अभ्यासकांनी व्यक्त केला आहे. .Cotton Price: कापूस बाजार तेजीत! प्रमुख बाजारांत दर ९ हजार ५०० पार; जाणून घ्या आठवड्याभरात कुठे मिळाला सर्वाधिक भाव?.काकडीच्या दरात बदलभाजीपाल्याची आवक वाढली की दरांवर लगेच परिणाम दिसून येत असतो. सध्या काकडीच्या बाजारातही हेच पाहायला मिळत आहे. नागपूर बाजारात लोकल काकडीची आवक परवाच्या ५०० क्विंटलवरून वाढून आज ५५० क्विंटल झाली. सरासरी दरात ३७५ रुपयांची घसरण होऊन आज १ हजार ३७५ रुपये प्रति क्विंटल भाव मिळाला. पुणे-मोशी बाजारात काकडीची आवक २७ क्विंटलने वाढून १७० क्विंटल झाली. मात्र, सरासरी दरात १ हजार ५०० रुपयांची घसरण होऊन २ हजार ५०० रुपये प्रति क्विंटल दर मिळाला. त्याचबरोबर खेड-चाकण बाजारात आवक ८८ क्विंटलवरून किंचित वाढून ९० क्विंटल झाली, तर सरासरी दर २ हजार ५०० रुपये प्रति क्विंटलवर स्थिर पाहायला मिळाला. एकूणच राज्यातील काकडी बाजारातही आज काही ठिकाणी आवक वाढल्याने दरात बदल होतच राहतील असा अंदाज व्यापारी व्यक्त करत आहेत..India Onion Production: कांदा उत्पादनात ६ टक्क्यांची घट शक्य.मेथी आवकेत वाढराज्यातील मेथी बाजारात आज आवकेत वाढ झाली असली, तरी दरात काही ठिकाणी चढ-उतार दिसले. खेड-चाकण बाजारात मेथीची आवक कालच्या तुलनेत २०१० नगांनी वाढून १५ हजार ५३४ नग झाली. मात्र, सरासरी दर १ हजार रुपये प्रति नगावर कायम राहिला होता. तर, पुणे-मोशी बाजारात मेथीची आवक काहिशी वाढून १४ हजार ३०० नग झाली. येथे सरासरी दर १८ रुपये प्रति नग स्थिर राहिला. छत्रपती संभाजीनगर बाजारात मेथीची आवक परवाच्या १९ हजार २०० नगांवरून घटून ९ हजार ८०० नग झाली. मात्र, सरासरी दरात १५० रुपयांची वाढ होऊन ६०० रुपये प्रति नग भाव मिळाला..डाळिंबाच्या भावात चढ-उतारदेशातील फळबाजारात सध्या आवक आणि फळांच्या दर्जानुसार डाळिंबाच्या दरांची गणिते बदलत असून, राज्यातील प्रमुख बाजार समित्यांमध्ये चढ-उताराचे चित्र पाहायला मिळत आहे. आज सांगोला कृषी उत्पन्न बाजार समितीत आज डाळिंबाच्या आवकेत मोठी वाढ पाहायला मिळाली आहे. काल झालेल्या २५१ क्विंटल आवकेच्या तुलनेत आज बाजारपेठेत ७८९ क्विंटल डाळिंब विक्रीसाठी दाखल झाले होते. मात्र, सरासरी दरात १ हजार रुपयांची घसरण होऊन १० हजार ५०० रुपये प्रति क्विंटल भाव मिळाला. तर, अकलूज बाजारात गणेश जातीच्या डाळिंबाची आवक ६९४ क्विंटलवरून कमी होऊन ५९२ क्विंटल झाली. बाजारातील सरासरी दरात १ हजार रुपयांची घसरण होऊन १० हजार १०० रुपये प्रति क्विंटल दर मिळाला. सांगली-फळे भाजीपाला बाजारात डाळिंबाची आवक काहिशी वाढून २०९ क्विंटल झाली. मात्र, सरासरी दर १२ हजार ५०० रुपये प्रति क्विंटलवर स्थिर राहिला होता..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.