Agrowon Podcast: गव्हाचा बाजार स्थिरावला; उडदाचे दर दबावात, पेरू-मिरची तेजीत, दोडक्याची आवक घटली

Daily Commodity Rates: राज्यातील बाजारपेठेत उडदाच्या दरात घट असून शेतकऱ्यांना हमीभावापेक्षा कमी दर मिळत आहेत. दुसरीकडे, गहू स्थिर दरात, तर पावसामुळे मर्यादित उत्पादन झाल्याने पेरू, दोडका व हिरवी मिरची तेजीत असून दर टिकून राहण्याची शक्यता वर्तवली जात आहे.
Agriculture Market Products
Agriculture Market ProductsAgrowon
Published on
Updated on

Market Bulletin: उडदाचे भाव दबावातच

वाढती आयात आणि देशातील बाजारातील आवक यामुळे उडदाचे भाव दबावात आहेत. सध्या उडदाला हमीभावापेक्षा कमी एक हजार ते दीड हजार रुपये कमी भाव मिळत आहे. यामुळे शेतकरी अडचणीत येत आहेत. बाजारात सध्या उडीद ६ हजार ते ६ हजार ५०० रुपयाने विकला जात आहे. बाजारातील उडदाची आवक पुढील दोन महीने कमीच राहण्याची शक्यता आहे. मात्र आयातही सुरु आहे. आयातीमुळे दर दबावात आहेत. बाजारातील ही परिस्थिती पुढील काळातही कायम राहू शकते. उडदाच्या भावात पुढील काळात काहीसे चढ उतार दिसू शकतात, असा अंदाज उडीद बाजारातील अभ्यासकांनी व्यक्त केला.

गव्हाचे बाजार स्थिर

देशातील बाजारात नव्या मालाची आवक आणि सरकारने लादलेले स्टाॅक लिमिट यामुळे गव्हाचे भाव स्थिरावले आहेत. बाजारातील गव्हाची आवकही कमी होत आहे. गव्हाचे भाव मागील महिनाभरात जवळपास २०० रुपयांनी कमी झाले आहेत. सध्या गहू २ हजार २०० ते २ हजार ५०० रुपयांच्या दरम्यान विकला जात आहे. पुढील काळात गव्हाची आवक कमी होणार आहे. मात्र पुढील महिनाभरानंतर सणांची मागणी सुरु होईल. त्यामुळे गव्हाला उठाव राही. या परिस्थितीत गव्हाच्या दरात सुधारणा होऊ शकते, असा अंदाज गहू बाजारातील अभ्यासकांनी व्यक्त केला.

Agriculture Market Products
Cotton Production: कापूस उत्पादकता हेक्टरी ४ क्विंटल २२ किलो प्रस्तावित

पेरू तेजीत

बाजारातील पेरुची आवक मागील ३ आठवड्यांपासून मर्यादीत दिसत आहे. पावसामुळे पेरुला उठावही कमी आहे. मात्र आवक नगण्य पातळीवर होत असल्याने पेरूचे भाव तेजीत आहेत. पावसामुळे पेरु पिकाला राज्यातील बहुतांशी भागात फटका बसला. त्यामुळे माल कमी निघत आहे, असे शेतकऱ्यांनी सांगितले. सध्या पेरू ३ हजार ते ४ हजार रुपये प्रतिक्विंटलने विकला जात आहे. पेरुची बाजारातील आवक आणखी आठवडे कमीच राहणार आहे. दुसरीकडे पावसामुळे मागणीही मर्यादीतच राहण्याची शक्यता आहे. त्यामुळे दरात फार मोठ्या चढ उताराची शक्यता कमीच असल्याचे व्यापाऱ्यांनी सांगितले.

Agriculture Market Products
Vegetable Market : अहिल्यानगरला सिमला मिरची, काकडीची आवक कायम

दोडका आवक घटली

बाजारीत दोडक्याची आवक मोठ्या प्रमाणात कमी झाली. तर दोडक्याला चांगला उठाव आहे. त्यामुळे दोडक्याच्या भावातही सुधारणा दिसून आली. दोडका पिकालाही सततचा पाऊस आणि ढगाळ हवामानाचा फटका बसत आहे. पिकाचे मोठे नुकसान झाल्याचे शेतकरी सांगत आहेत. आवक कमी आणि चांगली मागणी यामुळे दोडक्याचा बाजार ४ हजार ते ५ हजार रुपये प्रतिक्विंटलच्या दरम्यान पोचला. दोडक्याची आवक आणखी काही आठवडे कमीच राहण्याची शक्यता आहे. त्यामुळे दरही टिकून राहतील, असा अंदाज व्यापारी व्यक्त करत आहेत.

हिरवी मिरची तेजीतच

राज्यातील बाजारात मागील काही आठवड्यांपासून हिरव्या मिरचीची आवक कमीच आहे. तर दुसरीकडे मागणी आहे. त्यामुळे दरही स्थिर दिसत आहेत. सध्या लग्न सराई आणि समारंभामुळे हिरव्या मिरचीला चांगला उठाव आहे. त्यामुळे हिरवी मिरची ३ हजार ते ३ हजार ५०० रुपयाने विकली जात आहे. हिरव्या मिरचीची आवक आणखी काही आठवडे वाढण्याची शक्यता नाही. त्यामुळे बाजारातील आवकही सरासरी राहण्याचा अंदाज आहे. त्यामुळे हिरव्या मिरचीचे दरही पुढील काही आठवडे कायम राहू शकतात, असा अंदाज व्यापारी व्यक्त करत आहेत.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com