Vegetable Market : अहिल्यानगरला सिमला मिरची, काकडीची आवक कायम

Ahilyanagar News : अहिल्यानगर येथील दादा पाटील शेळके कृषी उत्पन्न बाजार समितीत मागील आठवड्यात भाजीपाल्याची आवक बऱ्यापैकी होऊनही दर वाधरलेले होते. सिमला मिरची, काकडीची आवक कायम होती.

अहिल्यानगर येथील बाजार समितीत मागील आठवड्यात दर दिवसाला १६०० ते १७०० क्विंटलपर्यंत भाजीपाल्याची आवक झाली आहे. त्यात बटाटाची ४०० क्विंटलपर्यंत आवक झाली. बटाट्याला १ हजार ५०० ते २ हजार रुपयांचा दर मिळत आहे.

टोमॅटोची २७२ क्विंटलपर्यंत आवक होऊन ५०० ते २२००, वांगीची ४४ क्विंटलपर्यंत आवक होऊन १००० ते ४५००, फ्लॉवरची ३५ क्विंटलपर्यंत आवक होऊन ५०० ते ४५००, कोबीची ६५ क्विंटलपर्यंत आवक होऊन ५०० ते २०००, काकडीची ७९ क्विंटलपर्यंत आवक होऊन ५०० ते २५०० रुपये, गवारची १२ क्विंटलपर्यंत आवक होऊन १ हजार ५०० ते १३ हजार, घोसाळयाची ८ क्विंटलपर्यंत आवक होऊन १ हजार ते ५ हजार, दोडक्याची ५ क्विंटलपर्यंत आवक होऊन १ हजार ५०० ते ६००० होते.

कारल्याची १८ क्विंटलपर्यंत आवक होऊन २००० ते ५०००, भेंडीची ५० क्विंटलपर्यंत आवक होऊन १ हजार ते ४ हजार, वालशेंगाची २ क्विंटलपर्यंत आवक होऊन २ हजार ५०० ते ७ हजार, घेवड्याची ५ क्विंटलपर्यंत आवक होऊन ५ हजार ते ८ हजार, हिरव्या मिरचीची ६५ क्विंटलपर्यंत आवक होऊन १ हजार ५०० ते ३५००, शेवग्याची २९ क्विंटलपर्यंत आवक होऊन ४ हजार ते ७०००, आद्रकची ४२ क्विंटलपर्यंत आवक होऊन १ हजार ५०० ते ३ हजार, भुईमूग शेंगाची ११५ क्विंटलपर्यंत आवक होऊन २००० ते ४५००, शिमला मिरचीची ३९ क्विंटलपर्यंत आवक होऊन २ हजार ते ५५०० रुपयाचा दर मिळाला.

चवळीची ४ क्विंटलपर्यंत आवक होऊन १ हजार ते ४०००, गाजराची १९ क्विंटलपर्यंत आवक होऊन १००० ते ३ हजार रुपयांचा दर मिळाला आहे. लसणाची १७ क्विंटलपर्यंत आवक होऊन ८ हजार ते २५ हजार रुपयाचा दर मिळत आहे. पालेभाज्यात मेथी, कोथिंबीर, पालक, चुका, करडी भाजी, कढीपत्ता मुळे यांनाही चांगली मागणी राहिली.

अहिल्यानगर येथील दादा पाटील शेळके कृषी उत्पन्न बाजार समितीत गेल्या आठवड्यात फळांची आवक कमी झाली आहे. सध्या दररोज ३७० क्विंटलपर्यंत आवक होत आहे. मोसंबीची दररोज १७ क्विंटलपर्यंत आवक होऊन १ हजार ते ५ हजार ५००, संत्राची ३ क्विंटलपर्यंत आवक होऊन १ हजार ते ९ हजार ५००, डाळिंबाची २१ क्विंटलपर्यंत आवक होऊन १ हजार ते १३ हजार, पपईची २३ क्विंटलपर्यंत आवक होऊन ५०० हजार ते १ हजार, पेरूची १४ क्विंटलपर्यंत आवक होऊन १००० हजार ते ४ हजार, केळीची २० क्विंटलपर्यंत आवक होऊन १००० हजार ते २ हजार २०० रुपयांचा दर मिळाला.

केशर आंब्याची १३ क्विंटलपर्यंत आवक होऊन ३००० ते ५ हजार, लालबाग आंब्याची ४३ क्विंटलची आवक होऊन २२०० चे २५००, बदाम आंब्याची ५० क्विंटलपर्यंत आवक होऊन २००० ते ३६००, तोतापुरी आंब्याची ३३ क्विंटलची आवक होऊन १५०० ते ३५००, दशेरी आंब्याची ३२ क्विंटलची आवक होऊन २००० ते ३५०० दर मिळत आहे.