Agrowon Podcast: तुरीचा बाजार मंदीतच; हळदीला मर्यादीत उठाव, कांदा स्थिर, गवार तेजीत, तर कोबीची आवक कायम!

थोडक्यात माहिती...

१. हळद बाजारात मर्यादित उठाव असून दर १२ ते १४ हजार रुपये दरम्यान आहेत; पुढील महिन्यात तेजीची शक्यता.

२. कांद्याचे दर सध्या स्थिर असून सरासरी १२०० ते १६०० रुपये प्रति क्विंटल आहेत; आवक कमी झाल्यास दरवाढ होण्याची शक्यता.

३. गवार बाजार तेजीत असून दर ६ ते ८ हजार रुपये प्रति क्विंटल; आवक कमी असल्यामुळे वाढलेले भाव.

४. कोबीचे दर स्थिर आणि चांगले असून सध्या दर १८०० ते २ हजार रुपये; आवक मर्यादित राहण्याची शक्यता.

५.तुरीचे दर दबावात असून सरासरी ६ ते ६५०० रुपये दरम्यान; आयात वाढल्यामुळे वाढीची शक्यता कमी.

Maraket Bulletin:

हळदीला मर्यादीत उठाव

देशातील  बाजारात सध्या हळदीला मर्यादीत उठाव दिसत आहे. सणांची मागणी अद्याप आली नाही, असे व्यापारी सांगत आहेत. बाजारातील हळदीची आवकही कमीच आहे. त्यामुळे हळदीच्या दरात काहीसे चढ उतार सुरु आहेत. सध्या देशातील बाजारात हळदीला सरासरी १२ हजार ते १४० हजार रुपयांच्या दरम्यान दर मिळत आहे. तर राज्यातील बाजारात हळद ११ हजार ते १३ हजाराने विकली जात आहे. सध्या वसमत, हिंगोली, नांदेड आणि रिसोड बाजारात हळदीची चांगली आवक दिसत आहे. पुढील महिन्यापासून हळदीला चांगला उठाव येऊ शकतो. त्यामुळे हळदीच्या दरालाही आधार मिळेल, असा अंदाज हळद बाजारातील आभ्यासकांनी व्यक्त केला. 

कांदा दर स्थिर

राज्यातील बहुतांशी बाजारात मागील काही दिवसांपासून कांद्याचे दर एका भावपातळीवर स्थिर दिसत आहेत. बाजारातील कांदा आवक गेल्यावर्षीच्या तुलनेत काहीशी अधिक आहे. सध्या राज्यात कांद्याला सरासरी १२०० ते १६०० रुपयांच्या दरम्यान भाव मिळत आहे. नाशिक जिल्ह्यातील भावपातळी काहीशी अधिक आहे. तर पुणे, नगर, सातारा आणि कोल्हापूर जिल्ह्यातील भावपातळी काहीशी कमी आहे. यापुढील काळात कांद्याची बाजारातील आवक कमी होण्याची शक्यता आहे. त्यामुळे कांद्याच्या दरालाही आधार मिळेल, अशी माहीती कांदा बाजारातील अभ्यासकांनी व्यक्त केला. 

गवार तेजीत

राज्यातील बाजारात गवारचे दर तेजीत आहेत. बाजारातील आवक कमी आणि चांगला उठाव यामुळे दर वाढले आहेत. पावसामुळे गवारची आवक कमीच आहे. राज्यातील बहतांशी भागाता पिकाचे नुकसान झाले आहे. तसेच नव्या लागवडी तोडणीला यायला उशीर आहे. सध्या बाजारात गावरला ६ हजार ते ८ हजार रुपये गुणवत्तेनुसार दर मिळत आहे. राज्यातील केवळ पुणे आणि नागपूर जिल्ह्यातील बाजारांमध्ये आवक १०० क्विंटलपेक्षा आधिक दिसत आहे. इतर बाजारांमधील आवक ५० क्विंटलपेक्षाही कमी आहे. गवार बाजारातील ही स्थिती पुढील काही आठवडे कायम राहू शकते, असा अंदाज गवार बाजारातील अभ्यासकांनी व्यक्त केला. 

कोबीची आवक कायम

बाजारात कोबीची आवक कायम आहे. पावसामुळे अनेक भागात कोबी पिकाचे उत्पादन कमी असल्याचे शेतकरी सांगत आहेत. त्यामुळे कोबी पिकाचे भाव टिकून आहेत. कोबीला सध्या बाजारात उठावही चांगला आहे. त्यामुळे कोबीला सध्या सरासरी प्रतिक्विंटल १८०० ते २ हजार रुपयांचा भाव मिळत आहे. पुढील काही दिवस बाजारात कोबीची आवक मर्यादीतच राहण्याची आहे. त्यामुळे कोबीचे दर टिकून राहू शकतात, असा अंदाज भाजीपाला बाजारात व्यापारी व्यक्त करत आहेत. 

तुरीचा भाव दबावातच

तुरीच्या बाजारातील मंदी कायम आहे. वाढत्या आयातीमुळे देशात तुरीची उपलब्धता चांगली आहे. तसेच सरकारने मार्च २०२६ पर्यंत तुरीची आयात खुली ठेवलेली. यामुळे आयात कायम राहणार आहे. याचा दबाव दरावर येत आहे. सध्या बाजारात तूर प्रतिक्विंटल सरासरी ६ हजार ते ६ हजार ५०० रुपयांच्या दरम्यान विकली जात आहे. देशात उपलब्धता चांगली असल्याने मागणीही गरजेप्रमाणे येत आहे. त्यामुळे पुढील महीनाभरतरी तुरीच्या भावात मोठी वाढ होण्याची शक्यता कमीच आहे. सणांची मागणी आल्यानंतर सुधारणा होऊ शकते, असा अंदाज अभ्यासकांनी व्यक्त केला. 

वारंवार विचारले जाणारे प्रश्न

१. हळदीचे दर वाढणार आहेत का?

पुढील महिन्यात सणांच्या मागणीमुळे दर वाढण्याची शक्यता आहे.

२. सध्या कांद्याचे दर का स्थिर आहेत?

आवक पुरेशी असल्यामुळे दर स्थिर आहेत.

३. गवारचे दर एवढे का वाढले आहेत?

कमी आवक आणि चांगल्या मागणीमुळे दरात तेजी आहे.

४. कोबीच्या दरात बदल होणार का?

आवक मर्यादित असल्यामुळे दर टिकून राहण्याची शक्यता आहे.

५. तुरीच्या दरात कधी सुधारणा होईल?

सणांच्या काळात मागणी वाढल्यास दरात थोडी सुधारणा होऊ शकते.