Pune News: राज्यातील पावसाने उघडीप दिल्याने उन्हाचा चटका आणि उकाडा तापदायक ठरत आहे. आज (ता. ६) मध्य महाराष्ट्र आणि मराठवाडा विजांसह पावसाची शक्यता असल्याने सतर्कतेचा इशारा (येलो अलर्ट) आहे. उर्वरित राज्यात ढगाळ आकाश राहण्याचा, तसेच तुरळक ठिकाणी विजांसह हलक्या सरींचा अंदाज हवामान विभागाने वर्तविला आहे.

मॉन्सूनचा आस असलेला कमी दाबाचा पट्टा अमृतसरपासून, पटियाला, मुजफ्फराबाद, खेरी, वाल्मीकी नगर, अरुणाचल प्रदेश आणि हिमालयाच्या पायथ्यापर्यंत विस्तारला आहे. तमिळनाडूच्या किनाऱ्यालगत समुद्र सपाटीपासून १.५ ते ७.६ किलोमीटर उंचीवर चक्राकार वारे वाहत आहेत. त्यापासून पूर्व-मध्य अरबी समुद्रापर्यंत हवेचा पूर्व-पश्‍चिम कमी दाबाचा पट्टा कायम आहे.

मॉन्सूनचे प्रवाह मंदावल्याने राज्यात पावसाने उघडीप दिली आहे. मंगळवारी (ता. ५) सकाळपर्यंतच्या २४ तासांमध्ये राज्यात अंशतः ढगाळ हवामानासह होते. तुरळक ठिकाणी हलक्या पावसाच्या सरी कोसळल्या. पावसाच्या उघडिपीने उन्हाचा चटका आणि उकाड्यात वाढ झाली आहे. अनेक ठिकाणी कमाल तापमानाचा पारा तिशीपार गेला आहे. चंद्रपूर येथे राज्यातील उच्चांकी ३५ अंश सेल्सिअस तापमानाची नोंद झाली.

आज (ता. ६) बीड आणि लातूरमध्ये जोरदार पावसाची शक्यता असल्याने, तसेच सिंधुदुर्ग, अहिल्यानगर, पुणे, सातारा, सांगली, सोलापूर, कोल्हापूर, धाराशीव, परभणी, हिंगोली, नांदेड, अकोला, भंडारा, गोंदिया, गडचिरोली या जिल्ह्यांत विजांसह पावसाच्या सरींची शक्यता असल्याने सतर्कतेचा इशारा (येलो अलर्ट) आहे. उर्वरित राज्यात ढगाळ हवामानामुळे उकाडा कायम राहण्याची शक्यता आहे. कोकण, मराठवाड्यात तुरळक ठिकाणी विजांसह पावसाची शक्यता हवामान विभागाने वर्तविली आहे.

मंगळवारी (ता. ५) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---२९.६---२२.४

अहिल्यानगर---३१.२---२३.४

‎‎धुळे---३३.०---२०.०

जळगाव---३२.८---२३.४

जेऊर---३४.५---१९.५

‎‎कोल्हापूर---२९.९---२२.४

महाबळेश्‍वर---२१.०---१७.२

मालेगाव---३३.२---२१.४

‎‎नाशिक---३०.५---२१.६

‎निफाड---३२.२---२०.५

‎सांगली---३१.३---२२.४

‎सातारा---३०.६---२२.२

‎सोलापूर---३३.६---२५.४

‎सांताक्रूझ---३१.५---२६.५

डहाणू---३२.६---२४.९

‎रत्नागिरी---३०.४---२४.७

‎छत्रपती संभाजीनगर---३१.७---२३.५

‎धाराशिव---३१.२---२०.६

‎परभणी---३३.३---२५.४

परभणी (कृषी)---३२.७---२३.३

‎‎अकोला---३३.९---२४.७

अमरावती---३२.६---२३.१

भंडारा---३४.०---२५.०

बुलडाणा---३०.६---२३.२

‎ब्रह्मपुरी---३३.२---२५.४

‎चंद्रपूर---३५.०---२५.०

‎गडचिरोली---३३.२---२५.०

‎गोंदिया---३३.८---२५.६

‎नागपूर---३४.५---२४.४

‎वर्धा---३३.०---२४.८

‎वाशीम---३०.४---२२.८

‎यवतमाळ---३१.६---२४.०

जोरदार पावसाचा इशारा (येलो अलर्ट) :

बीड, लातूर.

विजांसह पावसाचा इशारा (येलो अलर्ट) :

सिंधुदुर्ग, अहिल्यानगर, पुणे, सातारा, सांगली, सोलापूर, कोल्हापूर, धाराशिव, परभणी, हिंगोली, नांदेड, अकोला, भंडारा, गोंदिया, गडचिरोली.

विजांसह पावसाची शक्यता :

पालघर, मुंबई, ठाणे, रायगड, रत्नागिरी, छत्रपती संभाजीनगर, जालना.