Pune News : राज्यात सुरू असलेला पावसाचा जोर काहीसा ओसरण्याची शक्यता आहे. आज (ता. २८) कोकण, घाटमाथ्यावर जोरदार सरींची शक्यता आहे. पुणे जिल्ह्याच्या घाटमाथ्यावर जोरदार पावसाचा अंदाज असल्याने दक्षतेचा इशारा (ऑरेंज अलर्ट) आहे. तर रायगड, रत्नागिरी, सातारा आणि कोल्हापूरच्या घाटमाथ्यावर सतर्कतेचा इशारा (येलो अलर्ट) हवामान विभागाने दिला आहे.
वायव्य मध्य प्रदेश आणि परिसरावर कमी दाबाचे क्षेत्र सक्रिय आहे. पश्‍चिमेकडे सरकत असताना ही प्रणाली निवळून जाणार आहे. मॉन्सूनचा आस असलेला कमी दाबाचा पट्टा बिकानेर, कोटा, कमी दाबाचे केंद्र, दाल्तोंगंज, दिघा ते पूर्व मध्य बंगालच्या उपसागरापर्यंत कायम आहे. गुजरातपासून उत्तर केरळपर्यंत किनारपट्टीला समांतर कमी दाबाचा पट्टा कायम आहे.
रविवारी (ता. २७) सकाळपर्यंतच्या २४ तासांमध्ये राज्यात सर्वदूर चांगल्या पावसाने हजेरी लावली. अनेक ठिकाणी अतिवृष्टीची नोंद झाली. पुणे आणि रायगडच्या घाटमाथ्यावरील ताम्हिणी येथे सर्वाधिक २८० मिलिमीटर पावसाची नोंद झाली.
रविवारी दिवसभर राज्यात पावसाच्या सरीमागून सरी सुरू होत्या. ढगाळ आकाश, पावसाची हजेरी यामुळे कमाल तापमानात घट झाल्याने बहुतांश ठिकाणी पारा ३० अंशांच्या खाली आला आहे. धुळे येथे राज्यातील उच्चांकी ३१ अंश सेल्सिअस तापमानाची नोंद झाली.
आज (ता. २८) पुणे जिल्ह्याच्या घाटमाथ्यावर जोरदार पावसाची शक्यता असल्याने दक्षतेचा इशारा (ऑरेंज अलर्ट) आहे. रायगड, रत्नागिरी, सातारा घाटमाथा, कोल्हापूरच्या घाटमाथ्यावर जोरदार सरींची शक्यता असल्याने सतर्कतेचा इशारा (येलो अलर्ट) आहे. उर्वरित राज्यात ढगाळ हवामानासह हलक्या पावसाची शक्यता हवामान विभागाने वर्तविली आहे.
रविवारी (ता. २७) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :
ठिकाणे---तापमान कमाल---तापमान किमान
पुणे---२६.६---२१.९
धुळे---३१.०---२१.०
जळगाव---२९.०---२३.८
जेऊर---२७.५---२०.०
कोल्हापूर---२३.८---२०.९
महाबळेश्‍वर---१९.३---१७.०
मालेगाव---२७.०---२१.२
नाशिक---२४.८---२२.१
निफाड---२५.७----२२.०
सांगली---२५.०---२१.३
सातारा---२५.६---२१.६
सोलापूर---२५.७---२३.०
सांताक्रूझ---२९.५---२५.५
डहाणू---३०.०---२४.६
रत्नागिरी---२८.०---२४.६
छत्रपती संभाजीनगर---२५.४---२१.९
धाराशिव---२४.६---२०.२
परभणी---२५.६---२२.५
परभणी (कृषी)---२५.२---२१.९
अकोला---२६.९---२४.१
अमरावती---२५.२---२१.७
भंडारा---२७.०---२१.०
बुलढाणा---२४.६---२४.१
ब्रह्मपुरी---२५.६---२४.१
चंद्रपूर---२६.६---२३.०
गडचिरोली---२५.६---२३.४
गोंदिया---२७.२---२३.४
नागपूर---२६.४---२३.८
वर्धा---२६.०---२३.४
वाशीम---२८.४---२२.०
यवतमाळ---२८.८---२२.४
जोरदार पावसाचा इशारा (ऑरेंज अलर्ट) :
पुणे घाटमाथा.
जोरदार पावसाचा इशारा (येलो अलर्ट) :
रायगड, रत्नागिरी, सातारा घाटमाथा, कोल्हापूर घाटमाथा.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.