Maharashtra Weather: राज्यात विजांसह पावसाची शक्यता

Monsoon Rain Update: महाराष्ट्रात गेल्या काही दिवसांपासून पावसाने उघडीप दिली आहे, ज्यामुळे उन्हाचा चटका आणि उकाडा वाढला आहे. मात्र, हवामान विभागाने आजपासून काही जिल्ह्यांमध्ये पावसाचा अंदाज वर्तवला आहे.

ThunderstrormAgrowon

Published on:

05 Aug 2025, 6:00 am IST

Updated on:

05 Aug 2025, 6:00 am IST

Pune News: महाराष्ट्रात गेल्या काही दिवसांपासून पावसाने उघडीप दिली आहे, ज्यामुळे उन्हाचा चटका आणि उकाडा वाढला आहे. मात्र, हवामान विभागाने आजपासून काही जिल्ह्यांमध्ये पावसाचा अंदाज वर्तवला आहे.

मॉन्सूनचा आस असलेला कमी दाबाचा पट्टा अमृतसरपासून, डेहराडून, शहाजहानपूर, वाल्मीकी नगर, जलपैगुडी, ते अरुणाचल प्रदेश कायम आहे. तमिळनाडूच्या किनाऱ्यालगत समुद्र सपाटीपासून ३.१ ते ७.६ किलोमीटर उंचीवर चक्राकार वारे वाहत आहेत. त्यापासून पूर्व-मध्ये अरबी समुद्रापर्यंत हवेचा पूर्व-पश्चिम कमी दाबाचा पट्टा सक्रिय आहे.

आज, मंगळवारी विदर्भ, मराठवाडा आणि दक्षिण मध्य महाराष्ट्रातील काही जिल्ह्यांमध्ये विजांच्या कडकडाटासह पावसाची शक्यता आहे. तसेच, या भागांसाठी 'येलो अलर्ट' जारी करण्यात आला आहे. यामध्ये सांगली, सोलापूर, लातूर, धाराशिव, परभणी, हिंगोली, नांदेड, यवतमाळ, वर्धा, नागपूर, चंद्रपूर आणि गडचिरोली या जिल्ह्यांचा समावेश आहे.

Monsoon Rain: पूर्व विदर्भ आणि दक्षिण मराठवड्यात पावसाचा अंदाज

उर्वरित राज्यात ढगाळ हवामान कायम राहण्याची शक्यता असल्याने उकाडा कायम राहील. पण, ठाणे, रायगड, रत्नागिरी, सिंधुदुर्ग, अहमदनगर, पुणे, सातारा, कोल्हापूर, बीड आणि जालना या जिल्ह्यांमध्येही तुरळक ठिकाणी विजांच्या कडकडाटासह हलक्या सरी पडण्याची शक्यता आहे.

तर, मॉन्सून कमकुवत झाल्याने राज्यातील तापमानात वाढ झाली असून, चंद्रपूर येथे सर्वाधिक ३४.८ अंश सेल्सिअस तापमानाची नोंद झाली आहे. त्यामुळे पुढील काही दिवसांत पावसाची शक्यता असल्यामुळे नागरिकांनी आवश्यक ती काळजी घ्यावी, असे हवामान विभागाने सांगितले आहे.

Rain Alert Maharashtra : विदर्भ, मराठवाड्यात विजांसह पावसाची शक्यता

सोमवारी (ता. ४) सकाळी ८.३० वाजेपर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

शहर कमाल किमान

‎पुणे ३०.७ २१.६

अहिल्यानगर ३३.० २२.६

‎‎धुळे ३४.० १९.६

जळगाव ३२.७ २३.७

जेऊर ३३.० १९.५

‎‎कोल्हापूर २९.१ २१.०

‎महाबळेश्वर २०.९ १७.३

मालेगाव ३२.० २१.४

‎‎नाशिक २८.७ २१.१