Pune News : दौंड तालुक्यात उन्हाळी भुईमूग पिकाच्या पेरण्यांना वेग आला आहे. तर काही शेतकऱ्यांनी उसात भुईमुगाची आंतरपीक म्हणून टोकन केली आहे. देऊळगाव राजे व परिसरात सुमारे १०० व्हेक्टरमध्ये लागवड होणार आहे.

तालुक्यात १५ जानेवारीपासून शेतकरी भुईमूग पिकांची लागवड सुरू करतात. परंतु पेरणीला मात्र ऊस तुटून गेल्यावर वेग येत आहे. शेतकरी सुरू व खोडव्याची शेती मोकळी झाल्यानंतर भुईमुगाची पेरणी करीत आहेत.

तर काही शेतकरी भुईमुगाची हाताने टोकन करताना दिसत आहे. पेरणीसाठी एकरी ४० ते ५० किलो बियाण्याचा वापर होत आहे. भुसभुशीत, मध्यम निचरा होणारी,चुना व सेंद्रिय पदार्थ योग्य प्रमाणात असणारी जमीन शेतकऱ्याकडून निवडली जाते.

सुधारित बियाणे (वाण)

* टीयेजी २४

* फुले उन्नती

* जेएल १०८५

पेरणी कालावधी

उन्हाळी..........१५ जाने ते १५ फेब्रुवारी

पावसाळी .......... १५ जून ते १५ जुलै

अशी करा बीजप्रक्रिया

१. प्रतिकिलो बियाण्यास ४ ग्राम ट्रायकोडर्मा चोळावे.

२. २५ ग्राम रायझोबियम व २५ पीएसबी जिवाणूची बीजप्रक्रिया करावी.

खतमात्रा व्यवस्थापन :

१. १०:२०:०० नत्र स्फुरद पालाश

२. प्रति हेक्टरी २२ किलो युरिया व १२५ किलो सिंगल सुपर फॉस्फेट

३. ५० ते ६० दिवसांनी २ टक्के १९:१९:१९ विद्राव्य खताची फवारणी करावी.

असे करा रोग व कडी नियंत्रण

तांबेरा व टिक्का रोगाचा प्रादुर्भाव झाल्यास फ्लूबेनडायमाईड ३.५ टक्के + हेक्साकोंन्याझोल ५% डब्लू जी ५० ग्रॅम (प्रति पंप) फुलकिडे, तुडतुडे,ना ग अळी साठी कविनोल्फोसची फवारणी करावी.

अपेक्षित उत्पादन..............१४ ते १६ क्विंटल प्रतिएकर

सध्याचा बाजारभाव..............प्रतिक्विंटल ५००० ते ६०००