Solapur News : रानमसले (ता. उ.सोलापूर) येथील जिल्हा परिषद शाळेत अनोखा उपक्रम राबविण्यात आला, यामध्ये जिल्हा परिषद शाळेच्या आवारातच परसबाग फुलवली आहे.

या परसबागेच्या माध्यमातून विद्यार्थ्यांना खिचडीसाठी लागणाऱ्या भाजीपाला उपलब्ध करून एक अनोखा उपक्रम राबविला आहे. विषमुक्त भाजीपाला उपलब्ध होत असल्याने त्याची चवही न्यारीच आहे.

मेथी, चुका, पालक, कोथिंबीर, शेपू, टोमॅटो, वांगी, शेवगा, हादगा, भोपळा, कढीपत्ता, मिरची इत्यादी भाज्या परसबागेत फुलविल्या आहेत. विशेष म्हणजे त्या भाजीपाल्याला कुठलेही रासायनिक खत न टाकता पिकवल्या आहेत.

त्यामुळे विद्यार्थ्यांना विषमुक्त भाज्या आहारात मिळू लागल्या आहेत. याचा उपयोग जिल्हा परिषदेच्या शाळेतील विद्यार्थ्यांना तसेच अंगणवाडीतील मुलांनाही होत आहे.