Parbhani News: शेतकऱ्यांचे कृषिपंप, घरगुती ग्राहक, नवउद्योजक आदी घटकांना २४ तास मुबलक व योग्य दाबात वीजपुरवठा करण्यासाठी शासन प्रयत्नशील आहे. आगामी ५० वर्षात जिल्ह्याला विजेची कुठलीच समस्या भासू नये त्यादृष्टीने विकास आराखडा तयार केला आहे.

सौर ऊर्जा वापरण्यासाठी शासन प्रोत्साहन देत आहे, असे प्रतिपादन ऊर्जा राज्यमंत्री तथा परभणीच्या पालकमंत्री मेघना साकोरे बोर्डीकर यांनी रविवारी (ता. ३) केले.मुख्यमंत्री सौर कृषी वाहिनी टप्पा २.० योजने मधून क्षमता बळकटीकरणांतर्गत व सुधारित वितरण क्षेत्र योजनेअंतर्गत

महावितरणच्या पेडगाव (ता. परभणी) येथील ३३/११ केव्ही उपकेंद्रामध्ये नव्याने स्थापित केलेल्या अतिरिक्त ऊर्जा रोहित्र व क्षमतावाढ केलेल्या रोहित्राचे लोकार्पणमंत्री बोर्डीकर यांच्या हस्ते झाले. त्या वेळी त्या बोलत होत्या. या वेळी माजी राज्यमंत्री सुरेश वरपूडकर

महावितरण अधीक्षक अभियंता आर. के. टेंभुर्णे, कार्यकारी अभियंता एम. पी. वग्यानी, जी. के. गाडेकर, तहसीलदार डॉ. संदीप राजपुरे, सहायक पोलीस निरीक्षक जीवन राजगुरू, उपकार्यकारी अभियंता डी. व्ही. गव्हाणे, सहायक अभियंता नागेश डुकरे उपस्थित होते.

बोर्डीकर म्हणाल्या, की परभणी तालुक्यात टाकळी, पिंपरी, पिंगळी, त्रिधारा इथे अतिरिक्त पॉवर ट्रान्सफॉर्मर बसवले आहेत. जांब आणि सिंगणापूर येथील अतिरिक्त ट्रान्स्फॉर्मरची कामे लवकरच पूर्ण होणार आहेत.