Satara News : जिल्ह्यात राज्य शासनाच्या वतीने ‘जलतारा’ उपक्रम सुरू करण्यात आला असून, या माध्यमातून जिल्हा परिषदेच्या पुढाकारातून शेतशिवारात जलताराची तब्बल ७५ हजार कामे होणार आहेत.

यामधून जिल्ह्यातील जलस्रोतांचे पुनरुज्जीवन आणि भूजल पातळीत वाढ होणार आहे. या कामांसाठी ३९ कोटी ३९ लाखांचा खर्च होणार आहे. महात्मा गांधी राष्ट्रीय ग्रामीण रोजगार हमी योजनेअंतर्गत २६६ कामे राबविण्यात येतात.

तसेच या कामाबरोबरच आता जलतारा उपक्रम रोजगार निर्मितीबरोबर जलस्रोत पुनर्भरणासाठी सुरू करण्यात आला आहे. या मोहिमेसाठी ३९ कोटी ३९ लाख रुपयांचा खर्च अपेक्षित आहे. सुमारे ७५ हजार कामांचे नियोजन करण्यात आले आहे.

यासाठी महात्मा गांधी राष्ट्रीय ग्रामीण रोजगार हमी योजनेतून निधी उपलब्ध करून देण्यात आला आहे. जिल्हा परिषदेमार्फत १४ हजार १७ जलतारा कामांना मंजुरी देण्यात आली असून, ही कामे सुरू करण्यात आली आहेत.