Rojgar Hami Yojana Agrowon
ॲग्रो विशेष

Wage Scam in India: अदृश्य लाभार्थ्यांचा पर्दाफाश, शासकीय मजुरी अखेर योग्य ठिकाणी!

Employment Guarantee Scheme Fraud: साताऱ्यात रोजगार हमी योजनेत मोठा गैरव्यवहार उघडकीस आला आहे. अकुशल मजुरांच्या मजुरीचे पैसे अदृश्य लाभार्थ्यांच्या खात्यात गेल्याचे समोर आले होते. ‘सकाळ-ॲग्रोवन’च्या बातमीमुळे प्रशासन हरकत घेत कारवाईला सुरुवात झाली असून, बनावट खात्यांमधील रक्कम वसूल करण्याची प्रक्रिया सुरू आहे.

Team Agrowon

Satara News: महात्मा गांधी राष्ट्रीय रोजगार हमी योजनेंतर्गत विविध योजनांमध्ये काम करणाऱ्या अकुशल मजुरांची मजुरी अदृश्य लाभार्थ्यांच्या खात्यात जमा होत असल्याचा धक्कादायक प्रकार जिल्ह्यात समोर आला होता. याबाबत दै. ‘सकाळ- अॅग्रोवन’ने आवाज उठवल्यानंतर नागपूर आयुक्तालयातून चौकशीचे आदेश दिल्याने जिल्हाधिकारी कार्यालय, जिल्हा परिषद, पंचायत समितीमधील रोजगार हमी योजनेचा कक्ष खडबडून जागा झाला. त्यानंतर सुरू झालेल्या तपासानंतर अदृश्य लाभार्थ्यांचा शोध लावला आहे. संबंधितांच्या खात्यात जमा झालेली रक्कम वसूल करण्याची कारवाई सुरू केली आहे.

राष्ट्रीय रोजगार हमी योजनेतून कोरेगाव तालुक्यातील नांदवळ, तारगाव, साप, वाठार किरोली, आसनगाव, फडतरवाडी आदी गावांमधील मजुरांनी सार्वजनिक, तसेच वैयक्तिक कामे केली; परंतु नॅशनल मोबाइल मॉनिटरिंग सिस्टिमद्वारे (एमआयएस) मजुरी प्रत्यक्ष काम करणाऱ्या मजुरांच्या खात्यावर जमा न करता अदृश्य लाभार्थ्यांच्या खात्यावर जमा करण्यात आली आहे. त्यामुळे सुमारे एक वर्षांपासून मजुरीच्या प्रतीक्षेत असलेले अकुशल मजूर शासकीय कार्यालयांचे उंबरठे झिजवत होते.

दरम्यान, रोजगार हमी योजनेतील अनागोंदीबाबत दै. ‘सकाळ- अॅग्रोवन’ने आवाज उठवल्यानंतर राज्यात खळबळ उडाली. या वृत्ताची नागपूर येथील रोजगार हमी योजनेच्या आयुक्तालयाकडून गंभीर दखल घेत संबंधित अदृश्य बॅंक खात्यांची शोधमोहीम सुरू करण्याचे आदेश जिल्हाधिकाऱ्यांना दिले होते.

रोजगार हमी कक्षाने दिवसरात्र मेहनत घेऊन अदृश्य लाभार्थ्यांचा शोध लावला आहे. रोजगार हमी कक्षाच्या वतीने अदृश्य लाभार्थ्यांची माहिती संबंधित बॅंकेना देऊन त्यांच्याकडून वसुली करण्याची कारवाई करण्याचे आदेश दिले आहे. त्यामुळे आता मजुरीपासून वंचित असलेल्या अकुशल मजुरांच्या खात्यात रक्कम जमा होण्याचा मार्ग मोकळा झाला आहे.

तांत्रिक बाबीमुळे काही मजुरांची रक्कम सेंट्रलाइज सिस्टिमद्वारे दुसऱ्या खातेदारांच्या खात्यावर गेली होती. संबंधित बॅंकेला पत्रव्यवहार केला असून, त्यांच्याकडून वसुलीची कारवाई सुरू केली.
अर्चना वाघमळे, उपमुख्य कार्यकारी अधिकारी (ग्रामपंचायत), जिल्हा परिषद, सातारा.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rain In October 2025 : देशात ऑक्टोबर महिन्यात सरासरीच्या ११५ टक्के पावसाचा अंदाज; राज्यावर पावसाचं सावट

Farmer Union Protest: ओला दुष्काळ, ५० हजार रुपये मदतीच्या मागणीसाठी शेतकरी-शेतमजूर संघटनांचे आयुक्तांना निवेदन

Paddy Harvesting : सिंधुदुर्गात पुन्हा जोरदार पाऊस; भातपीक कापणी रखडली

Cotton Crop Management: कपाशीच्या पातेगळच्या व्यवस्थापनासाठी उपाय

Dharashiv Rain : तीन दिवसांच्या पावसात सहाशे घरांची पडझड

SCROLL FOR NEXT