Pune News: एकीकडे वाचन संस्कृती संपत चालली आहे, असे म्हणत असलो, तरी दिवाळी अंकांमुळे मराठी साहित्य आणि वाचन संस्कृती जोपासली जात आहे. याचे श्रेय दिवाळी अंकांमधील विषयांच्या विविधतेला आहे, असे प्रतिपादन ज्येष्ठ अभिनेत्री डॉ. निशिगंधा वाड यांनी केले.

दिनमार्क पब्लिकेशनच्या वतीने देण्यात येणारा ‘छंदश्री आंतराष्ट्रीय दिवाळी अंक स्व. सौ. कमलाबाई रसिकाला धारिवाला स्पर्धा पुरस्कार’ वितरण डॉ. वाड यांच्या हस्ते मंगळवारी (ता. १) झाले.

या वेळी ‘दिनमार्क’चे संचालक दिनकर शिलेदार, साहित्य परिषदेचे अध्यक्ष प्रा. मिलिंद जोशी, ज्येष्ठ साहित्यिक भारत सासणे, ज्येष्ठ लेखिका सिसिलिया कार्व्हालो, परीक्षक माधव राजगुरू आदी मान्यवर उपस्थित होते.

श्री. सासणे, प्रा. श्री. जोशी, सिसिलिया कार्व्हालो यांनी या वेळी मनोगत व्यक्त केले. शिलेदार यांनी प्रास्ताविक केले.

‘ॲग्रोवन’ दिवाळी अंकाला विशेष पुरस्कार

‘ॲग्रोवन’च्या २०२४ च्या ‘पशुधन’ या दिवाळी अंकाला विशेष पुरस्काराने या वेळी गौरविण्यात आले. हा पुरस्कार ‘ॲग्रोवन’चे निवासी संपादक रमेश जाधव यांनी स्वीकारला.