Manchar News: दत्तात्रयनगर, पारगाव (ता. आंबेगाव) येथील भीमाशंकर सहकारी साखर कारखान्याने चालू हंगामात ८ लाख ८३ हजार ६९ टन ऊस गाळप करून ९ लाख २७ हजार १९७ साखर पोत्यांचे उत्पादन केले..कारखान्याचे चेअरमन बाळासाहेब बेंडे यांनी यासंदर्भात माहिती देताना सांगितले, की कारखान्याचे संस्थापक संचालक व माजी मंत्री आमदार दिलीप वळसे पाटील यांच्या मार्गदर्शनाखाली संचालक मंडळ, अधिकारी व कर्मचारी यांच्या योग्य नियोजनामुळे संपूर्ण नोंद असलेल्या उसाचे गाळप करून हंगाम यशस्वीपणे पूर्ण करण्यात आला आहे..Sugarcane Production: आडसाली, सुरू, खोडवा उसात सातत्यपूर्ण उल्लेखनीय उत्पादन.या वेळी ऊस तोडणी व वाहतूक कंत्राटदार, तसेच मजुरांचा कारखान्याच्या वतीने सत्कार करण्यात आला. तसेच, १५ फेब्रुवारीअखेर गाळप केलेल्या उसासाठी शेतकऱ्यांना एफ.आर.पी. (रास्त व किफायतशीर दर) प्रमाणे प्रति टन ३,२७३ रुपये दराने सुमारे २८० कोटी रुपयांची रक्कम अदा करण्यात आल्याची माहिती त्यांनी दिली..Sugarcane Crushing Season: गळीत हंगाम अंतिम टप्प्याकडे.कारखान्याच्या उपक्रमांबाबत माहिती देताना बेंडे म्हणाले, की दत्तात्रय वळसे पाटील ऊस उत्पादकता वाढ लक्ष्य २०२० ही महत्त्वाकांक्षी योजना ‘वसंतदादा शुगर इन्स्टिट्यूट’च्या मार्गदर्शनाखाली राबविण्यात येत आहे. या योजनेअंतर्गत ऊस उत्पादक शेतकऱ्यांना प्रशिक्षण, माती व पाणी परीक्षण, ताग व ऊस बेणे वाटप,.ऊस रोपवाटिका, ठिबक सिंचन अर्थसाह्य, द्रवरूप जिवाणू खते, सूक्ष्म अन्नद्रव्ये, जैविक कीड नियंत्रण, रासायनिक खते-औषधे, पाचट कुट्टी पुरवठा, तसेच उधारीवर व कमी खर्चात ड्रोन फवारणीची सुविधा उपलब्ध करून देण्यात येत आहे. यासाठी स्वतंत्र ऊस विकास विभाग स्थापन करण्यात आला असून, आधुनिक तंत्रज्ञानाची माहिती शेतकऱ्यांना दिली जाते. शेतकऱ्यांनी या योजनेचा लाभ घेऊन ऊस लागवड व उत्पादन वाढीवर भर द्यावा, असे आवाहन चेअरमन बेंडे यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
