Karad News : ई-पीकपाहणी नोंदणी एक ऑगस्टपासून सुरू झाली आहे. मात्र, मोबाईलवरून ॲपच्या माध्यमातून पीक पाहणी नोंदवताना शेतकऱ्यांना अनेक तांत्रिक अडचणी येत आहेत. अनेक ठिकाणी ग्रामीण भागात मोबाईल नेटवर्कची अडचण आहे. मोबाईलला नेटवर्क आले, तर सर्व्हर चालत नाही. त्यामुळे भरलेली माहिती अपलोड होत नाही.

एकेका नोंदणीसाठी दोन-तीन दिवस प्रयत्न करूनही फॉर्म अपलोड होत नाही. त्यामुळे शेतकरी वैतागले आहेत. त्यामुळे ई-पीक पाहणी नोंदणीस प्रतिसादही कमी मिळत आहे. परिणामी, मुदतीत नोंदणी करण्याचे आव्हानच शेतकऱ्यांपुढे असणार आहे.

शेतकऱ्यांना थेट बांधावरून आपल्या शेतात लागवड केलेल्या पिकाची नोंद ॲपच्या माध्यमातून करावी लागते. शासनाच्या योजनांचा लाभ घेण्यासाठी ही नोंद आता बंधनकारक करण्यात आली आहे. गेल्या वर्षात ज्यांनी ई-पीकपाहणी केली त्यांनाच नुकसानीचे अनुदान दिले गेले. ज्यांनी तेव्हा ई-पीकपाहणी केली, अशांचीच निवड केलेली यादी गावोगावी लावण्यात आली. ई-पीकपाहणी नसलेले शेतकरी त्यातून वगळण्यात आले.

ई-पीकपाहणी न केलेल्यांचाही किमान या मदतीसाठी समावेश करावा, अशी मागणीही करण्यात आले. मात्र, सरकारकडून त्यावर निर्णय घेण्यात आला नाही. त्यामुळे शेतकऱ्यांना आता या पीक पाहणी नोंदीचे महत्त्व कळले आहे. त्यामुळे आता या नोंदीसाठी शेतकरी आता पुढे आले आहेत.

सातारा जिल्ह्यातील १७०० गावातील नऊ लाख नऊ हजार ५६९ शेतकरी आहेत. त्यांना ही नोंद करणे आवश्यक आहे. त्यासाठी शेतकरी दोन आठवड्यांपासून प्रयत्न करत आहेत. मात्र, जिल्ह्यातील जावळी, पाटण, महाबळेश्वर तालुक्यातील ग्रामीण दुर्गम-डोंगराळ भागात अनेक ठिकाणी मोबाईल नेटवर्क नसल्याने अडचणी येत आहेत.

मोबाईलला नेटवर्क आले, तर सर्व्हर चालत नाही. त्यामुळे भरलेली माहिती अपलोड होत नाही. एकेका नोंदणीसाठी दोन-तीन दिवस प्रयत्न करूनही फॉर्म अपलोड होत नाही. त्यामुळे शेतकरी वैतागले आहेत. त्यामुळे ई-पीकपाहणी नोंदणीस प्रतिसादही कमी मिळत आहे. नोंद करण्यासाठी १५ सप्टेंबरपर्यंत मुदत देण्यात आली आहे. त्यामुळे मुदतीत नोंदणी करण्याचे आव्हानच शेतकऱ्यांपुढे असणार

आहे.