Kolhapur News : क्षारपडमुक्तीच्या कामासाठी शेतकरी एकत्र आले आहेत ही कौतुकास्पद गोष्ट आहे. क्षारपडमुक्तीच्या या कामासाठी शासकीय अधिकाऱ्यांकडून शासनाचे सर्व सहकार्य दिले जाईल, अशी ग्वाही कोल्हापूरचे जिल्हाधिकारी अमोल येडगे यांनी दिली.

कवठेगुलंद येथील देशभक्त रत्नाप्पाण्णा कुंभार क्षारपड जमीन सुधारणा सहकारी संस्था मर्यादित कवठेगुलंद, शेडशाळ या संस्थेच्या वतीने २५० एकरांवर मुख्य पाइपलाइन टाकण्यासाठी खुदाई कामाचा प्रारंभ करण्यात आला.

जिल्हाधिकारी श्री. येडगे, प्रांताधिकारी मोसमी चौगुले बेर्डे, तहसीलदार अनिलकुमार हेळकर, श्री दत्तचे मार्गदर्शक संचालक गणपतराव पाटील यांच्या हस्ते करण्यात आला. या वेळी बोलत होते.

गणपतराव पाटील यांनी दत्त कारखान्याच्या वतीने राबविण्यात येणाऱ्या विविध ऊस विकास योजनांची माहिती देऊन क्षारपड मुक्तीचा प्रकल्प कशा पद्धतीने यशस्वी होत आहे याचा संपूर्ण आढावा घेतला.

मुख्य शेती अधिकारी श्रीशैल हेगान्ना यांनी सविस्तर माहिती दिली. कवठेगुलंदच्या सरपंच संगीता शिंदे यांनी मनोगत व्यक्त केले. अविनाश कदम यांनी आभार मानले.