Google’s AI Project : गुगलचा भारतीय शेती क्षेत्रासाठी 'एपीआय' प्रकल्प; शेतकऱ्यांना काय फायदा?

Google Deep Mind : गुगल डीपमाइंड आणि पार्टनरशिप इनोव्हेशन टीमने भारतातील शेतीमधील देखरेख सुधारण्यासाठी एपीआय विकसित केला आहे. या प्रकल्पामुळे कृत्रिम बुद्धिमत्ता आधारित शेती उपयोगी मोबाईल अॅप्स तयार करता येणार आहेत.
Google’s AI Project
Google’s AI ProjectAgrowon
Published on
Updated on

AI In Agirculture : प्रगत तंत्रज्ञानासाठी प्रसिद्ध अशा गुगल कंपनीने भारतात शेती क्षेत्रासाठी ओपन सोर्स एपीआय (अ‍ॅप्लिकेशन प्रोग्रॅमिंग इंटरफेस) प्रकल्प सुरु करण्याची घोषणा गुरुवारी (ता.१०) केली आहे. या प्रकल्पाच्या मदतीने भारतीय शेती आणि सांस्कृतिक क्षेत्राला बळकटी देण्यासाठी एआय मॉडेलचा वापर करण्यात येणार आहे. गुगल डीपमाइंड आणि आयआयटी खडगपूर यांच्या भागीदारीतून प्रकल्प सुरु करण्यात आला आहे. यावेळी शेती आणि पिक पद्धतीचं सादरीकरण करण्यात आलं.

या तंत्रज्ञानामुळे शेतातील पिकांबद्दलच्या व्यापक माहितीचं विश्लेषण रिअल-टाईम आणि अचूक होईल, असं गुगल डीपमाइंडचे अॅग्रीकल्चर अँड सस्टेनेबिलिटी रिसर्च लीड अलोक तळेकर म्हणाले. "गुगल कंपनी महत्वाचे बदल वेगाने घडवून आणण्यासाठी काम करत आहे, जे व्यापक माहितीचे रूपांतर अत्यंत सुस्पष्ट आणि रिअल-टाइम डेटामध्ये करत आहेत. जेणेकरून हे परिणामकारक उपाय केवळ भारतातील शेतकऱ्यांच्या फायद्यासाठी न थांबता, वाढत्या हवामान धोक्यापासून देशाला बळकटी देतील." असंही तळेकर यांनी म्हणाले.

गुगल डीपमाइंड आणि पार्टनरशिप इनोव्हेशन टीमने भारतातील शेतीमधील देखरेख सुधारण्यासाठी एपीआय विकसित केला आहे. या प्रकल्पामुळे कृत्रिम बुद्धिमत्ता आधारित शेती उपयोगी मोबाईल अॅप्स तयार करता येणार आहेत. तसेच या अॅप्सच्या मदतीने शेतकऱ्यांना माती, पाणी, हवामान आणि पीक उत्पादनाचा अंदाज मिळणार असून सॅटेलाइट प्रतिमा आणि मशीन लर्निगच्या मदतीने शेती पिकांच्या लागवडीचे आणि काढणीचे अचूक आकडेवारी उपलब्ध होणार आहे.

Google’s AI Project
AI In Sugar cane: ऊस लागवडीत ‘एआय’ तंत्र वापरणार

एपीआय म्हणजे काय?

समजा, एक शेतकरी एका कंपनीचं अ‍ॅप वापरतो, ज्यामध्ये पाऊस, तापमान, मातीतील ओलावा यांची माहिती पाहता येते. परंतु हे अ‍ॅप पावसाची आणि तापमानाची माहिती हवामान खात्याकडून थेट घेत नाही. तर हवामान खात्याचा एपीआय वापरून माहिती घेतली जाते. म्हणजे एकप्रकारे अचूक माहितीसाठी एआयवर आधारित यंत्रणा काम करते.

आता गुगलच्या एपीआयमुळे कोणतं पीक आहे, शेताचं क्षेत्रफळ किती आहे, कधी पेरणी झाली आहे, कधी काढणी होणार आहे, याची माहिती सॅटेलाइट आणि मशीन लर्निंगच्या मदतीनं विविध ठिकाणांवरून मिळवता येणार आहे. जेणेकरून शेती क्षेत्रातील कंपन्यांना नवीन तंत्रज्ञान विकसित करता येईल आणि शेतकऱ्यांना अचूक माहितीचं विश्लेषण मिळेल.

गुगल डीपमाइंडचे भारत आणि आशिया-पॅसिफिकचे वरिष्ठ संचालक डॉ. मनीष गुप्ता यांनी गुगलचे एआय संशोधन सातत्यपूर्ण गुंतवणुकीवर अवलंबून असल्याचं सांगितलं. "भारतातील नवीन तंत्रज्ञान निर्मितीसाठी या क्षमतांच्या वापरासाठी उत्तम समाधान विकसित केली आहेत. त्यातून आम्हाला प्रेरणा मिळाली आहे. त्यामुळे स्पष्ट होते की एआय हा एक शक्तिशाली प्रवेगक आहे, जो गुंतवणुकीवर अनेकपटीने परतावा देऊ शकतो,” असं गुप्ता म्हणाले.

Google’s AI Project
AI In Agriculture : ब्रिक्स परिषदेत कृषी क्षेत्रातील कृत्रिम बुद्धिमत्तेच्या वापरावर भर; भारतात पुढच्या वर्षी 'एआय समिट'

दरम्यान, टेरास्टॅक नावाचा स्टार्टअप आयआयटी बॉम्बेमध्ये तयार झाला आहे. या स्टार्टअपने शेत जमिनीचं विश्लेषण करणारी यंत्रणा तयार केली आहे. आता टेरास्टॅक ग्रामीण कर्जपुरवठा, जमीन नोंदीचे आधुनिकीकरण आणि हवामान बदलाचा धोका समजून घेण्याच्या उद्दिष्टाने एपीआय तंत्रज्ञानाचा वापर करण्याचा विचार करत असल्याचं टेरास्टॅक कार्यकारी संचालक आर्यन डांगी म्हणाले. यापूर्वी तंत्रज्ञानात ही प्रणाली उपलब्ध नसल्याने माहितीचा वापर अधिक प्रभावी करता येत नव्हता, परंतु आता मात्र गुगलच्या एपीआयमुळे शक्य होणार असल्याचं खाजगी कंपन्यांचं मत आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com