Agrowon Podcast: उडदाच्या भावातील मंदी कायम; गाजर व भोपळ्याचे दर स्थिर; शेवगा, गवार भाव तेजीत
Market Bulletin:
उडदातील मंदी कायम
वाढती आयात आणि देशातील बाजारातील आवक यामुळे उडदाचे भाव दबावात आहेत. सध्या उडदाला हमीभावापेक्षा कमी एक हजार ते दीड हजार रुपये कमी भाव मिळत आहे. यामुळे शेतकरी अडचणीत येत आहेत. बाजारात सध्या उडीद ६ हजार ते ६ हजार ५०० रुपयाने विकला जात आहे. बाजारातील उडदाची आवक पुढील दोन महीने कमीच राहण्याची शक्यता आहे. मात्र आयातही सुरु आहे. आयातीमुळे दर दबावात आहेत. बाजारातील ही परिस्थिती पुढील काळातही कायम राहू शकते. उडदाच्या भावात पुढील काळात काहीसे चढ उतार दिसू शकतात, असा अंदाज उडीद बाजारातील अभ्यासकांनी व्यक्त केला.
शेवगा तेजीत
बाजारातील शेवग्याची आवक कमीच आहे. त्यामुळे शेवग्याचे भावही तेजीतच आहेत. शेवगा पिकाला यंदा पाऊस आणि बदलत्या वातावरणाचा मोठा तडाखा बसला. त्यामुळे शेवग्याची आवक कमी आणि उठाव चांगला अशी परिस्थिती आहे. त्यामुळे शेवग्याचे भाव तेजीत आहेत. शेवगा आजही ५ हजार ते ६ हजार रुपये प्रतिक्विंटलच्या दरम्यान विकला गेला. शेवग्याची बाजारातील आवक पुढील काळातही कमीच राहण्याचा अंदाज आहे. तर मागणीह टिकून राहील. त्यामुळे शेवग्याचे भाव तेजीतच राहू शकतात, असा अंदाज व्यापारी व्यक्त करत आहेत.
गाजर आवक मर्यादीत
गाजराची बाजारातील आवक मागील काही आठवड्यांपासून कमी झाली आहे. मे महिन्यातील पावसाने राज्यातील अनेक भागात पिकाचे नुकसान झाले. यामुळे आवक कमी असल्याचे शेतकरी सांगत आहेत. तर गाजराला चांगला उठाव आहे. याचा आधार दराला मिळत आहे. सध्या बाजारात गाजर प्रतिक्विंटल सरासरी २ हजार ते २ हजार ५०० रुपयांच्या दरम्यान विकले जात आहे. पिकाचे नुकसान झाल्याने पुढील काही आठवडे बाजारातील आवकही कमीच राहण्याची शक्यता आहे. त्यामुळे गाजराचे दरही टिकून राहतील, असा अंदाज व्यापारी व्यक्त करत आहेत.
भोपळ्याला उठाव
बाजारातील दुधी भोपळ्याची आवक मर्यादीत आहे. तर दुसरीकडे भोपळ्याला चांगला उठाव आहे. त्यामुळे दुधी भोपळ्याचे भाव टिकून आहेत. भाजीपाला पट्ट्यात झालेल्या पावसाने भोपळा पिकाचेही नुकसान झाले होते. त्यामुळे आवकेवरही परिणाम दिसत असल्याचे व्यापारी सांगत आहेत. सध्या दुधी भोपळ्याला बाजारात सरासरी २ हजार ते २ हजार ५०० रुपयांच्या दरम्यान भाव मिळत आहे. तसेच बाजारातील आवक पुढील काळातही मर्यादीत राहण्याची शक्यता आहे. त्यामुळे दरही टिकून राहू शकतात, असा अंदाज बाजारातील व्यापारी व्यक्त करत आहेत.
गवारमधील तेजी कायम
गवारचे भाव मागील २ आठवड्यात चांगलेच वाढले आहेत. गवारची बाजारातील आवक पावसामुळे कमी झाली आहे. गवार पिकासाठी एप्रिल आणि मे महिन्यात पोषक हवामान राहीले नाही. त्याचा फटका पिकाला आधीपासूनच बसत होता. मे महिन्यातील पावसाने पिकाचे नुकसान वाढले. त्यामुळे आवक कमी होऊन भाव तेजीत आले. गवारचे भाव बहुतांशी बाजारात सरासरी ६ हजार ते ७ हजार रुपये प्रतिक्विंटलच्या दरम्यान पोचले आहेत. गवारची आवक पुढील काळातही कमीच राहण्याची शक्यता आहे. त्यामुळे गवारचे भावही टिकून राहतील, असा अंदाज व्यापारी व्यक्त करत आहेत.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.