Pune News : सूर्य तळपल्याने उन्हाचा चटका वाढून राज्य होरपळे आहे. अनेक ठिकाणी तापमानाचा पारा ४३ अंशांपार गेला आहे. अकोला येथे राज्याचे यंदाच्या हंगामातील उच्चांकी ४४.३ अंश तापमानाची नोंद झाली. आज (ता. ६) विदर्भातील अकोला येथे उष्ण लाटेचा इशारा देण्यात आला आहे. तर मराठवाडा आणि विदर्भात वादळी वाऱ्यासह पावसाचा इशारा (येलो अलर्ट) देण्यात आला आहे.

मराठवाडा आणि आसपासच्या परिसरावर समुद्र सपाटीपासून १.५ किलोमीटर उंचीवर चक्राकार वाऱ्यांची स्थिती असून, मराठवाड्यापासून ते दक्षिण तमिळनाडूपर्यंत हवेचा कमी दाबाचा पट्टा तयार झाला आहे. राज्यात उकाडा कायम असून, वादळी पावसाला पोषक हवामान होत आहे. रविवारी (ता. ५) सकाळपर्यंतच्या २४ तासांमध्ये अकोला येथे राज्याचे हंगामातील उच्चांकी ४४.३ अंश सेल्सिअस तापमानाची नोंद झाली.

उन्हाचा चटका वाढल्याने मध्य महाराष्ट्रातील जेऊर येथे ४४ अंश तापमान नोंदले गेले. अमरावती, चंद्रपूर, ब्रह्मपुरी, गडचिरोली, वर्धा, वाशीम, परभणी, नांदेड, बीड, सोलापूर येथे ४३ अंशांपेक्षा अधिक तापमानाची नोंद झाली.

आज (ता. ६) विदर्भातील अकोला येथे उष्ण लाटेचा इशारा देण्यात आला आहे. तर मराठवाडा आणि विदर्भात वादळी वाऱ्यासह पूर्वमोसमी पावसाच्या सरी कोसळण्याचा इशारा देण्यात आला आहे. उर्वरित राज्यात उन्हाचा चटका, उकाडा कायम राहण्याची शक्यता आहे.

रविवारी (ता. ५) सकाळपर्यंतच्या २४ तासांमध्ये नोंदले गेलेले कमाल तापमान (अंश सेल्सिअसमध्ये) :

पुणे ३९.६, धुळे ४२, जळगाव ४२.३, जेऊर ४४, कोल्हापूर ३८.८, महाबळेश्‍वर ३२.७, मालेगाव ४२.८, नाशिक ३८.५, निफाड ३९.२, सांगली ४१.६, सातारा ४०.९, सोलापूर ४३.४, सांताक्रूझ ३३.७, डहाणू ३५.८, रत्नागिरी ३३,

छत्रपती संभाजीनगर ४१.६, बीड ४३.१, नांदेड ४३.२, परभणी ४३.६, अकोला ४४.३, अमरावती ४३.८, बुलडाणा ४०, ब्रह्मपुरी ४३.७, चंद्रपूर ४३.८, गडचिरोली ४३, गोंदिया ४०.४, नागपूर ४१.५, वर्धा ४३, वाशीम ४३, यवतमाळ ४२.२.

उष्ण लाटेचा इशारा (येलो अलर्ट) :

अकोला.

वादळी पावसाचा इशारा (येलो अलर्ट) :

लातूर, नांदेड, यवतमाळ, चंद्रपूर, गडचिरोली, गोंदिया.

४३ अंशांपेक्षा अधिक कमाल तापमान असलेली ठिकाणे :

अकोला ४४.३, जेऊर ४४, अमरावती ४३.८, चंद्रपूर ४३.८, ब्रह्मपुरी ४३.७, परभणी ४३.६, सोलापूर ४३.४, नांदेड ४३.२, बीड ४३.१, गडचिरोली ४३, वर्धा ४३, वाशीम ४३.