Monsoon Agrowon
हवामान

Vidarbha Monsoon Update : विदर्भात उन्हाचा चटका तापदायक ; मॉन्सूनच्या परतीसाठी पोषक स्थिती

Vidarbha Monsoon Return : दोन दिवसांत संपूर्ण महाराष्ट्रासह देशाच्या आणखी काही भागातून मॉन्सून परतण्याची शक्यता हवामान विभागाने वर्तविली आहे.

Swapnil Shinde

Vidarbha News : मॉन्सून परतल्यानंतर राज्यात बहुतांश भागात उष्ण व कोरडे हवामान झाले आहे. बुधवारी (ता. ११) सकाळपर्यंतच्या २४ तासांमध्ये अकोला येथे राज्यातील उच्चांकी ३७.२ अंश सेल्सिअस तापमानाची नोंद झाली. आज (ता. ११) राज्यात उन्हाचा चटका कायम राहणार असून, कोकणात तुरळक ठिकाणी हलक्या पावसाची शक्यता हवामान विभागाने वर्तविली आहे.

तेलंगणा आणि दक्षिण अंतर्गत कर्नाटक, पश्चिम बंगालच्या हिमालयाकडील भागात चक्राकार वाऱ्यांची स्थिती कायम आहे. पूर्वमध्य बंगालच्या उपसागरात समुद्र सपाटीपासून ५.८ किलोमीटर उंचीवर चक्राकार वारे वाहत आहे. दक्षिण अंतर्गत कर्नाटकपासून कोमोरिन पर्यंत हवेचा कमी दाबाचा पट्टा सक्रिय आहे.

ऑक्टोबर हीटचा चटका वाढल्याने राज्यात उन्हाची ताप वाढली आहे. अंशतः ढगाळ हवामानामुळे उकाडा कायम आहे. अनेक ठिकाणी पारा ३५ अंशांच्या वर आहे. मंगळवारी (ता. ११) सकाळपर्यंतच्या २४ तासांमध्ये अकोला, ब्रह्मपूरी, वर्धा, सोलापूर, यवतमाळ येथे तापमान ३६ अंशांच्या पुढे होते. आज (ता. १२) राज्यात मुख्यतः उष्ण व कोरड्या हवामानाचा अंदाज आहे. कोकणात तुरळक ठिकाणी विजांसह पावसाची शक्यता आहे.

नैर्ऋत्य मोसमी वाऱ्यांनी (मॉन्सून) सोमवारी (ता. ९) बहुतांश महाराष्ट्रातून काढता पाय घेतला आहे. विदर्भ आणि कोकणाचा काही भाग वगळता संपूर्ण महाराष्ट्रातून मॉन्सून परतला आहे. बुधवारी (ता. १०) मॉन्सूनची परतीची सीमा कायम होती. दोन दिवसांत संपूर्ण महाराष्ट्रासह देशाच्या आणखी काही भागातून मॉन्सून परतण्याची शक्यता हवामान विभागाने वर्तविली आहे.

बुधवारी (ता. ११) सकाळपर्यंतच्या २४ तासांमध्ये राज्यातील कमाल तापमान (अंश सेल्सिअस मध्ये) :

पुणे ३४.६, जळगाव ३५.६, कोल्हापूर ३२.६, महाबळेश्वर २५.७, नाशिक ३२.७, सांगली ३३.८, सातारा ३३.७, सोलापूर ३६.०, सांताक्रूझ ३४.८, डहाणू ३३.०, रत्नागिरी ३२.८, छत्रपती संभाजीनगर ३४.१, नांदेड ३५.०, परभणी ३५.८, अकोला ३७.२, अमरावती ३५.६, बुलडाणा ३३.९, ब्रह्मपूरी ३६.१, चंद्रपूर ३५.४, गडचिरोली ३५.४, गोंदिया ३५.०, नागपूर ३५.५, वर्धा ३६.१, वाशीम ३५.२, यवतमाळ ३६.०.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT