Monsoon Return : माॅन्सूनचा परतीचा प्रवास वेगाने

Rain Alert : माॅन्सूनने देशातील आणखी काही भागांमधून काढता पाय घेतला. माॅन्सूनने आज पूर्व उत्तर प्रदेश आणि पूर्व मध्य प्रदेशच्या सर्व भागातून माॅन्सून परतला. तर बिहारचा आणखी काही भाग, झारखंड, छत्तसगड, तेलंगणा आणि उत्तर कर्नाटकच्या आणखी भागातून माॅन्सूनने माघार घेतली आहे. तर महाराष्ट्राच्या बहुतांशी भागातून माॅन्सून परतला.

आज माॅन्सून कोकणातील सिंधुदूर्ग जिल्ह्याचा काही भाग आणि विदर्भातील गडचिरोली जिल्ह्यातील काही भागात होता. माॅन्सूनच्या परतीची सिमा दौलतगंज, कांकेर, रामागुंडम, बिजापूर आणि वेंगुर्ला या भागात होती. देशातील काही भागात हलक्या ते मध्यम स्वरुपाच्या सरी पडत आहेत. अरुणाचल प्रदेश, सिक्कीम, आसाम, मेघालय आणि हिमालयाच्या शेजारच्या भागात पाऊस पडत आहे.

राज्याचा विचार करता सध्या उन्हाचा कडाका चांगलाच वाढला. ऑक्टोबर हीटचा अनुभव मागील काही दिवसांपासून येत आहे. हवामान विभागाने राज्यात पुढील पाच दिवस पावसाचा अंदाज नसल्याचे सांगितले. राज्यात कोरडे हवामान राहण्याचा अंदाज आहे, असेही हवामान विभागाने जाहीर केले.