Pune News: राज्यात सुरू असलेला पावसाचा जोर काहीसा कमी झाला आहे. कोकण, घाटमाथा आणि मध्य महाराष्ट्राच्या धरण क्षेत्रात पाऊस कोसळत आहे. आज (ता. २९) कोकण, घाटमाथ्यासह विदर्भात जोरदार सरींची शक्यता असल्याने दक्षतेचा इशारा (येलो अलर्ट) हवामान विभागाने दिला आहे. उर्वरित राज्यात हलक्या सरींची शक्यता आहे.

वायव्य मध्य प्रदेश आणि परिसरावर कमी दाबाचे क्षेत्र सक्रिय आहे. त्याला लागूनच समुद्र सपाटीपासून ५.८ किलोमीटर उंचीपर्यंत चक्राकार वारे वाहत आहेत. मॉन्सूनचा आस असलेला कमी दाबाचा पट्टा गंगानगर पासून, झुनझुनू, कमी दाबाचे केंद्र, पाटणा, दाल्तोंगंज, पुरूलिया ते ईशान्य बंगालच्या उपसागरापर्यंत कायम आहे. गुजरातपासून उत्तर केरळपर्यंत किनारपट्टीला समांतर कमी दाबाचा पट्टा निवळून गेला आहे.

सोमवारी (ता. २८) सकाळपर्यंतच्या २४ तासांमध्ये कोकण, घाटमाथा आणि मध्य महाराष्ट्राच्या धरण क्षेत्रामध्ये पावसाचा जोर कायम होता. उर्वरित राज्यात पावसाने उसंत घेतली असली तरी, ऊन सावल्यांच्या खेळ आणि ढगाळ हवामानासह अधूमधून सरी पडत होत्या. घाटमाथ्यावरील तामिणी आणि शिरगाव येथे सर्वाधिक १७० मिलिमीटर पावसाची नोंद झाली.

रविवारी दिवसभर राज्यात पावसाच्या सरीमागून सरी सुरू होत्या. ढगाळ आकाश, पावसाची हजेरी यामुळे कमाल तापमानात घट झाली असली तरी काहीसा उकाडा जाणवत आहे. बहुतांश ठिकाणी पारा ३० अंशांच्या खाली आला असून, डहाणू येथे राज्यातील उच्चांकी ३०.७ अंश सेल्सिअस तापमानाची नोंद झाली.

आज (ता. २९) रायगड, रत्नागिरी, पुणे घाटमाथा, सातारा घाटमाथा, अमरावती, वर्धा, नागपूर, भंडारा, चंद्रपूर जिल्ह्यात जोरदार सरींची शक्यता असल्याने दक्षतेचा इशारा (येलो अलर्ट) आहे. उर्वरित राज्यात ढगाळ हवामानासह हलक्या पावसाची शक्यता हवामान विभागाने वर्तविली आहे.

‎‎सोमवारी (ता. २८) सकाळी ८.३० पर्यंतच्या २४ तासांमध्ये नोंदले गेलेले तापमान (अंश सेल्सिअसमध्ये) :

‎ठिकाणे---तापमान कमाल---तापमान किमान

‎पुणे---२६.३---२१.१

‎‎धुळे---२९.०---२०.५

जळगाव---२८.०---२३.७

जेऊर---३०.५---१९.५

‎‎कोल्हापूर---२६.५---२१.१

‎महाबळेश्वर---१८.६---१७.१

मालेगाव---२६.४---२१.२

नाशिक---२६.७---२१.१

‎निफाड---२७.४----२१.८

‎सांगली---२७.७---२१.३

‎सातारा---२६.७---२१.४

‎सोलापूर---२९.७---२२.६

‎सांताक्रूझ---२९.९---२५.१

डहाणू---३०.७---२४.०

‎रत्नागिरी---२९.०---२४.५

‎छत्रपती संभाजीनगर---२७.०---२२.२

‎धाराशिव---निरंक---२२.९

‎परभणी---२९.५---२२.९

परभणी (कृषी)---३०.३---२१.९

‎‎अकोला---२८.३---२४.६

अमरावती---२६.८---२२.२

भंडारा---२८.०---२३.०

बुलडाणा---२६.०---२२.४

ब्रह्मपुरी---२९.४---२४.१

‎चंद्रपूर---३०.०---२५.२

‎गडचिरोली---२८.०---२४.०

‎गोंदिया---२८.८---२४.४

‎नागपूर---२७.६---२४.०

‎वर्धा---२८.०---२४.२

‎वाशीम---२५.६---२१.६

‎यवतमाळ---३०.०---२३.०

जोरदार पावसाचा इशारा (येलो अलर्ट) :

रायगड, रत्नागिरी, पुणे घाटमाथा, सातारा घाटमाथा, अमरावती, वर्धा, नागपूर, भंडारा, चंद्रपूर.