POCRA Agrowon
कृषी योजना व शासन निर्णय

POCRA Subsidy : पोकरा लाभार्थ्यांना आज ५ कोटींचे अनुदान वितरित होणार

Shasan Aplya Dari : यावेळी सुमारे १७ कोटी रुपयांची मदत वितरीत केली जाईल. यात पोकरा योजनेच्या लाभार्थ्यांना पाच कोटी ४१ लाख २७ हजारांचे वितरण होत आहे.

Team Agrowon

Buldana News : ‘शासन आपल्या दारी’ कार्यक्रम आज (ता.३ सप्टेंबर) येथे होत असून या कार्यक्रमात मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार यांच्या उपस्थितीत एक लाखाहून अधिक लाभार्थ्यांना मदतीचे वाटप करण्यात येणार आहे. यावेळी सुमारे १७ कोटी रुपयांची मदत वितरीत केली जाईल. यात पोकरा योजनेच्या लाभार्थ्यांना पाच कोटी ४१ लाख २७ हजारांचे वितरण होत आहे.

आजवर तीन ते चार वेळा पुढे ढकललेला हा कार्यक्रम रविवारी (ता. ३ सप्टेंबर) होऊ घातला आहे. कार्यक्रमात कृषी विभागातर्फे अपघातग्रस्त पाच शेतकऱ्यांच्या वारसांना दहा लाख रुपयांचा विमा संरक्षण निधी देण्यात येणार आहे. कृषी यांत्रिकीकरणात १९५ लाभार्थ्यांना एक कोटी २८ लाख ४७ हजार रुपयांचे वाटप करण्यात येणार आहे.

नानाजी देशमुख कृषी संजीवनी प्रकल्पातील एक हजार १९२ लाभार्थ्यांना पाच कोटी ४१ लाख २७ हजार रुपये देण्यात येतील. मुख्यमंत्री शाश्वत सिंचन योजनेत तीन हजार १३४ लाभार्थ्यांना तीन कोटी २४ लाख रुपयांचे वाटप करण्यात येतील. बाळासाहेब ठाकरे कृषी व्यवसाय व ग्रामीण परिवर्तन (स्मार्ट) अंतर्गत एक कोटी ६४ लाख ७८ हजार रुपयांचे वाटप करण्यात येणार आहे.

तसेच भाऊसाहेब फुंडकर फळबाग लागवड योजना, एकात्मिक फलोत्पादन विकास योजना, ड्रोन, मुख्यमंत्री शाश्वत सिंचन वैयक्तिक शेततळे योजनेच्या लाभार्थ्यांना लाभ देण्यात येणार आहे. महसूल विभागातील नैसर्गिक आपत्ती पीक नुकसानीसाठी ७१ हजार ५४५ लाभार्थ्यांना मदत देण्यात येणार आहे.

यात डिसेंबर २०२१ मध्ये अवकाळी पावसामुळे शेतपिकांचे नुकसान झालेल्या खामगाव तालुक्यातील उर्वरित २२४ लाभार्थी, ऑक्टोबर २०२१ मधील मेहकर तालुक्यातील सात हजार ६४१लाभार्थी, जून ते ऑक्टोबर २०२२ मध्ये पिकांचे नुकसान झालेल्या जिल्ह्यातील ६६हजार ९३१ लाभार्थ्यांच्या खात्यात लाभ जमा करण्यात आला आहे.

तसेच येत्या काळात ६२ हजार ८५४ लाभार्थ्यांना लाभ देण्यात येणार आहे. तसेच एप्रिल २०२३ मध्ये अवेळी पाऊस आणि गारपिटीमुळे शेतपिकाचे नुकसान झालेल्या ८२६ लाभार्थ्यांना लाभाचे वाटप करण्यात येणार आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT