Nashik News : येथील कृषी उत्पन्न बाजार समितीत ५ मे ते ७ जुलैदरम्यान सप्ताहात वालपापडी-घेवड्याची आवक २,२३९ क्विंटल झाली. वालपापडीला प्रतिक्विंटल ७,५०० ते १०,००० असा तर सरासरी दर ९,००० रुपये राहिला.घेवड्याला प्रतिक्विंटल ८,००० ते १३,००० तर सरासरी दर १०,००० रुपये राहिला.

सप्ताहात भाजीपाल्याच्या आवकेनुसार दरात चढ उतार होत असल्याचे पाहायला मिळाले. हिरवी मिरचीची आवक ८६९ क्विंटल झाली. लवंगी मिरचीला प्रतिक्विंटल ५,००० ते ७,५०० रुपये तर सरासरी दर ६,००० रुपये मिळाला. उन्हाळ कांद्याची आवक १९ हजार ६८६ क्विंटल झाली.

त्यास प्रतिक्विंटल ४०० ते १,८०० तर सरासरी दर १,२५० रुपये राहिला.लसणाची आवक ४६ क्विंटल झाली. त्यास प्रतिक्विंटल २,७०० ते १० हजार ५०० तर सरासरी दर ७,५०० रुपये राहिला. बटाट्याची आवक ८,६८५ क्विंटल झाली. त्यास प्रतिक्विंटल १,२०० ते १,७५० तर सरासरी दर १,५०० रुपये राहिला.

फळभाज्यामध्ये टोमॅटोला ६० ते ३०० तर सरासरी २५०,वांगी ४०० ते ७०० तर सरासरी ६००, फ्लॉवर १५० ते ४०० सरासरी ३०० रुपये असे दर प्रति १४ किलोस मिळाले. तर कोबीला १२० ते २१० तर सरासरी १७५ रुपये असे दर प्रति २० किलोस मिळाले. ढोबळी मिरचीला ८०० ते ५०० तर सरासरी दर ७०० रुपये असे दर प्रति ९ किलोस मिळाले.

वेलवर्गीय भाजीपाल्यामध्ये भोपळा २०० ते ५०० तर सरासरी ३५०, गिलके ६०० ते १,१०० तर सरासरी ८००, दोडका ५०० ते १,००० तर सरासरी दर ८२५ रुपये असे प्रति १२ किलोस दर मिळाले.

फळांमध्ये केळीची आवक १,६३३ क्विंटल झाली. तिला प्रतिक्विंटल ९०० ते २,००० तर सरासरी दर १,५०० रुपये मिळाला. डाळिंबाची आवक ३,७१० क्विंटल झाली.मृदुला वाणास ३,५५० ते १८,००० तर सरासरी ११,००० रुपये दर मिळाला. आंब्याची आवक २,४९२ क्विंटल झाली. दशहरी आंब्यास प्रतिक्विंटल किमान २,५००,कमाल ६,००० सरासरी ४,००० तर तोतापुरी आंब्याला किमान २,००० कमाल ५,००० तर सरासरी ४,००० दर मिळाला.

भाजीपाला प्रती १०० जुड्यांचा दर

पालेभाजी किमान कमाल सरासरी

कोथिंबीर ५०० २,९०० १,५००

मेथी १,००० ३,२०० २,०००

शेपू १,००० ३,००० २,१००

कांदापात २,५०० ४,६०० ३,२००