Beed News : गेवराई तालुक्यातील ग्रामीण भागातील शेतकऱ्यांना ऑनलाइन खरिप पिक नोंदणी प्रक्रियेत मोठ्या अडचणींचा सामना करावा लागत आहे. नेटवर्क उपलब्ध नसणे, ओटीपी न येणे आणि अन्य तांत्रिक अडथळ्यांमुळे ई-पीक पेराची नोंदणी वेळेत होऊ शकत नाही, ज्यामुळे शेतकऱ्यांमध्ये चिंता आणि असंतोष वाढला आहे..राज्य शासनाच्या निर्देशानुसार, ऑगस्टच्या पहिल्या तारखेपासून खरिप पिकांच्या ई-पीक पाहणी मोहीम राबविण्यात येत आहे. मात्र, अलीकडे अद्ययावत करण्यात आलेल्या डीसीएस व्हर्जन ४.०० या मोबाइल अॅपचा वापर करताना अनेक ठिकाणी नेटवर्क समस्या जाणवत आहेत. यामुळे शेतकऱ्यांना ऑनलाईन नोंदणी करताना अडचणी येत असून, काहींना ओटीपी प्राप्त होण्यातही अडचण येत आहे..e-Peek Pahani : शेतकऱ्यांच्या ई-पीकपाहणीला जळगाव जिल्ह्यात गती.शासनाने स्पष्ट केले आहे की, ई-पीक पाहणीची नोंदणी न केल्यास त्या पिकाला ‘अप्रतिष्ठित’ म्हणून मानले जाईल, ज्यामुळे नैसर्गिक आपत्ती, अतिवृष्टी, तसेच पंतप्रधान विमा योजनेअंतर्गत आर्थिक मदतीसाठी पात्रता मिळणार नाही. .या आदेशामुळे शेतकऱ्यांमध्ये भीतीचे वातावरण निर्माण झाले असून, वेळेत नोंदणी न होण्याच्या कारणास्तव त्यांचा धास्ता वाढला आहे. शेतकऱ्यांनी शेतात जाऊन ई-पीक पाहणी करण्याचा प्रयत्न केला तरी अनेक वेळा सर्व्हर डाउन होणे, नेटवर्क गोंधळ यामुळे प्रक्रिया पूर्ण होऊ शकत नाही. या तांत्रिक अडचणींबाबत शेतकरी प्रशासनाकडे योग्य तोडगा काढण्याची मागणी करत आहेत..E-Peek Pahani : सोलापुरात ई-पीकपाहणीत ‘सर्व्हर डाउन’चा अडथळा.कपाशीचे क्षेत्रफळ सर्वाधिकगेवराई तालुक्यात यावर्षी सुमारे सव्वा लाख हेक्टरवर खरिप पिकांची पेरणी करण्यात आली आहे. यापैकी सुमारे ८२ हजार हेक्टरवर कपाशीची लागवड करण्यात आली आहे. त्यानंतर तुरी आणि सोयाबीन यांचे क्षेत्रफळ क्रमशः दुसऱ्या आणि तिसऱ्या स्थानावर आहे..शेतकऱ्यांच्या या समस्यांकडे प्रशासनाने तातडीने लक्ष देऊन ऑनलाईन ई-पीक नोंदणीची प्रक्रिया सुलभ करण्यासाठी आवश्यक पावले उचलण्याची गरज असल्याचे स्थानिक शेतकरी संघटना आणि प्रतिनिधी यांच्याकडून मत व्यक्त केले जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.