pomegranate Market  Agrowon
मार्केट इन्टेलिजन्स

Pomegranate Market : परराज्यातील आवकेमुळे महाराष्ट्राच्या डाळिंबास दराचा झटका

Pomegranate Rate : गुजरात, राजस्थानसह देशभरातील डाळिंबाची बाजारपेठेत आवक होऊ लागल्याचा फटका महाराष्ट्रातील डाळिंब उत्पादकांना बसत आहे.

अभिजित डाके : ॲग्रोवन वृत्तसेवा

Sangli News : गुजरात, राजस्थानसह देशभरातील डाळिंबाची बाजारपेठेत आवक होऊ लागल्याचा फटका महाराष्ट्रातील डाळिंब उत्पादकांना बसत आहे. देशभरातील बाजारपेठांत गेल्या दोन महिन्यांत डाळिंबाच्या दरात प्रति किलोस ३० ते ४५ रुपयांनी घट झाली आहे. मात्र, फेब्रुवारी महिन्यापर्यंत डाळिंबाचे हेच दर स्थिर राहतील असा अंदाज अभ्यासकांनी व्यक्त केला आहे.

गुजरात राज्यातील निम्म्या भागाला पावसाचा फटका डाळिंबाला बसला असला तरी एका भागातील डाळिंब चांगले आहे. तर, राजस्थान राज्यात डाळिंबाला पोषक वातावरण असल्याने डाळिंब उत्पादक शेतकऱ्यांना दिलासा मिळाला आहे. तर, देशात यंदाच्या मृग बहरातील डाळिंबाची काढणी आणि विक्री सुरु झाली आहे.

हंगामाला गतीही आली आहे. दिवाळीपूर्वी डाळिंबाला दर्जेदार डाळिंबाला १५० ते १६० रुपये असा दर मिळत होता. यंदा पाणी टंचाईमुळे बाजारपेठेत डाळिंब आवक कमी होऊ दरही चांगले मिळतील अशी आशा शेतकऱ्यांना होती.

नोव्हेंबर महिन्याच्या पहिल्या आठवड्यापासून बाजारपेठेत डाळिंबाची आवक वाढल्याने अपेक्षित उठाव झाला नाही. त्यामुळे नोव्हेंबरच्या दुसऱ्या आठवड्यात त्याचा परिणाम डाळिंबाच्या दरावर झाला. डाळिंबाला प्रति किलोस १३० ते १३५ रुपये असा दर मिळाला.

यंदाचा हंगाम सुरु होऊन दोन महिनांच्या कालावधी झाला आहे. हंगामाच्या प्रारंभाला १६० रुपयांपेक्षा अधिक दर मिळाला. मात्र, दक्षिणेत पाऊस पडल्याने मागणी कमी झाली. त्याचा परिणाम डाळिंबाच्या उठावावर झाल्याने दरात २० ते २५ रुपयांनी घट झाली.

दरम्यान डिसेंबर महिन्याच्या मध्यापासून गुजरात, राजस्थान या दोन्ही राज्यातील डाळिंब देशांतर्गत बाजारपेठेत आवक सुरु झाली. त्यामुळे डिसेंबर महिन्याच्या दुसऱ्या आठवड्यापासून पुन्हा प्रति किलोस १० ते २० रुपयांनी घट झाली. अर्थात दोन महिन्यात ३० ते ४५ रुपयांनी दर कमी झाल्याचा फटका राज्यातील शेतकऱ्यांना बसला आहे.

चिंता वाढली..

गुजरात राज्यात नोव्हेंबर महिन्याच्या शेवटच्या पंधरा ते वीस दिवसात अतिवृष्टी, गारपीट झाली. याचा फटका तेथील निम्म्या भागातील डाळिंबाला बसला, परंतु निम्म्या भागात डाळिंबास चांगले वातावरण होते. तसेच राजस्थानमध्ये डाळिंबही चांगले बहरले आहे.

सध्या या दोन्ही राज्यातील डाळिंब देशभरातील बाजारपेठेत दाखल होऊ लागले आहेत. गेल्या पंधरा दिवसापासून बाजारात या दोन्ही राज्यातील डाळिंबाची आवक वाढू लागल्याने राज्यातील डाळिंब उत्पादकांची चिंताही वाढली आहे.

‘‘गेल्या तीन वर्षाच्या डाळिंबाच्या दराची तुलना केली तर यंदाच्या हंगामात दर तीन वर्षाप्रमाणेच आहेत. जानेवारी महिन्यात डाळिंबाचे दर टिकून राहतील अशी शक्यता आहे.’’
- प्रभाकर चांदणे, अध्यक्ष, अखिल भारतीय डाळिंब उत्पादक संघ

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Agrowon Podcast: सोयाबीनला मागणी वाढली; मेथीच्या दरात नरमाई, हळद-पपई स्थिर, लसूण भाव स्थिर

Paus Andaj: उद्यापासून पाऊस सुरु होणार; विदर्भ, कोकण, मराठवाड्यात पावसाची शक्यता

Rain Update : मराठवाड्यातील तीन जिल्ह्यांत काही ठिकाणी तुरळक, हलका पाऊस

Herbal Plant Conservation : औषधी वनस्पतींच्या संवर्धनासाठी पाऊल

Chia Seed : वाशीममधील चियासीड पोहोचले मुख्यमंत्र्यांपर्यंत

SCROLL FOR NEXT