Market Bulletin:

तुरीचा भाव दबावातच

बाजारात तुरीचा भाव हमीभावापेक्षा कमीच आहे. बाजारात तुरीची होणारी आवक आणि आयात यामुळे पुरवठा चांगला आहे. आयात तुरीचे भावही कमी आहेत. त्यामुळे तुरीला होणारा उठाव सुस्तावला आहे. याचा परिणाम दरावर दिसून आला. तुरीला सध्या बाजारात सरासरी ७ हजार १०० त ७ हजार ३०० रुपयांच्या दरम्यान भाव मिळाला. बाजारातील तुरीची आवक काही आठवडे कायम राहण्याचा अंदाज आहे. त्यानंतर बाजारातील आवक कमी होईल. तसेच सरकारची खरेदीही सुरु आहे. या घटकांमुळे तुरीच्या भावात काहीशी सुधारणा अपेक्षित आहे, असे अभ्यासकांनी सांगितले.

गाजराला मागणी

गाजराला बाजारात चांगला उठाव आहे. तसेच गाजराची आवकही चांगली सुरु आहे. त्यामुळे गाजराचे भाव कमी झाले तरी टिकून दिसत आहेत. राज्यातील बाजारात गाजराची आवक सरासरीच्या पातळीवर सुरु आहे. त्यामुळे सध्या गाजराला प्रतिक्विंटल सरासरी १२०० ते १५०० रुपयांचा भाव मिळत आहे. गाजराची बाजारातील आवक पुढील काही आठवडे स्थिर राहण्याचा अंदाज आहे. तसेच गाजराला उठावही कायम राहण्याची शक्यता आहे. यामुळे पुढील काही आठवडे गाजराचा बाजार स्थिर दिसू शकतो, असा असे व्यापाऱ्यांनी सांगितले. 

टोमॅटोचा भाव कमीच

टोमॅटोच्या भावात मोठी घसरण झाली. बाजारातील वाढत्या आवकेबरबोर दरावर दबाव येत गेला. सध्या टोमॅटोला उत्पादन खर्चापेक्षाही कमी भाव मिळत असल्याचे शेतकरी सांगत आहेत. राज्यातील सर्वच बाजारांमध्ये टोमॅटोची आवक वाढलेली दिसत आहे. त्यामुळे टोमॅटोला सध्या बाजारात सरासरी ७०० ते ११०० रुपयांचा भाव मिळत आहे. टोमॅटो बाजारातील आवक आणखी काही आठवडे कायम राहू शकते. त्यामुळे दरावरही दबाव दिसू शकतो, असा अंदाज टोमॅटो बाजारातील अभ्यासकांनी व्यक्त केला. 

ज्वारीला कमी उठाव

ज्वारीचे दर मागील दीड महिन्यात क्विंटलमागे किमान ३०० ते ५०० रुपयांनी कमी झाले आहेत. बाजारातील ज्वारीची आवक वाढत आहे. राज्यातील सर्वच बाजारांमध्ये ज्वारीची आवक चांगली आहे. तर दुसरीकडे सध्या ज्वारीला सरासरी दर मिळत आहे. सध्या ज्वारी वाण आणि गुणवत्तेप्रमाणे २३०० ते ३१०० रुपयांच्या दरम्यान विकली जात आहे. बाजारातील ज्वारीची आवक आणखी काही आठवडे कायम राहण्याचा अंदाज आहे. त्यामुळे ज्वारीच्या दरावरही दबाव दिसू शकतो, असा अंदाज अभ्यासकांनी व्यक्त केला. 

सोयाबीन मंदीतच

बाजारातील सोयाबीनची आवक खूपच कमी झाली. त्यामुळे दरात सुधारणा होण्याची शेतकऱ्यांना अपेक्षा आहे. मात्र नाफेडची विक्री आणि आंतरराष्ट्रीय बाजारातील चढ उतार, याचा दरावर दबाव दिसत आहे. सध्या बाजार समित्यांमध्ये सोयाबीनला ४ हजार १०० ते ४ हजार ३०० रुपयांच्या दरम्यान भाव मिळत आहे. तर प्रक्रिया प्लांट्सचे खरेदीचे भाव ४ हजार ४५० ते ४५५० रुपयांच्या दरम्यान आहेत. नाफेडची विक्री ४ हजार ३०० ते ४ हजार ३५० रुपयाने होत आहे. सोयाबीनची आवक पुढच्या काळात कमी होणार आहे. मात्र नाफेडच्या विक्रीचा आणि आंतरराष्ट्रीय बाजारातील दराचा दबाव राहील, असे अभ्यासकांनी सांगितले.