Onion Market Update नाशिक : जिल्ह्यात शेतकरी प्रामुख्याने कांदा उत्पादक (Onion Producer) आहे. सद्यःस्थितीमध्ये कांद्याचे बाजारभाव (Onion Rate) ५०० ते ७०० रुपये प्रतिक्विंटल आहे. कमी असलेल्या बाजारभावामुळे शेतकरी अत्यंत हवालदिल झालेला असून त्याचे आर्थिक नियोजन कोलमडले आहे.

अशा परिस्थितीमध्ये शेतकऱ्यांना प्रतिक्विंटल ५०० रुपये विशेष अर्थसाहाय्य अनुदान मिळावे, अशी मागणी चांदवड देवळा विधानसभा मतदार संघाचे आमदार डॉ. राहुल आहेर यांनी उपमुख्यमंत्री देवेंद्र फडणवीस यांच्याकडे पत्राद्वारे केली आहे.

उपमुख्यमंत्री फडणवीस यांची भेट घेऊन त्यांनी मागणीचे निवेदन दिले आहे.

निवेदनात नमूद केले आहे, की केंद्र व राज्य सरकार नेहमीच कांदा उत्पादक शेतकऱ्याला मदत करण्यासाठी निर्यात धोरण, नाफेड कांदा खरेदी व तर मार्ग अवलंबत असते. पण तरी सध्या बाजारपेठेत कांदाभाव अत्यंत कमी आहे.