Hingoli News : हिंगोली बाजार समितीअंतर्गत धान्य बाजारात बुधवारी (ता. १७) तुरीची १५५ क्विंटल आवक होती. तुरीला प्रतिक्विंटल किमान ८८०० ते कमाल ९४३० रुपये तर सरासरी ९११५ रुपये दर मिळाले.

मागील आठवड्याच्या तुलनेत तुरीच्या किमान व कमाल दरात किंचित सुधारणा झाली. हिंगोली बाजार समितीत एक दिवसाआड तुरीची आवक होत आहे. शुक्रवारी (ता. १२) तुरीची १३५ क्विंटल आवक होऊन प्रतिक्विंटल किमान ८३०० ते कमाल ९११० रुपये तर सरासरी ८७०५ रुपये दर मिळाले.

बुधवारी (ता. १०) तुरीची ८१ क्विंटल आवक होऊन प्रतिक्विंटल किमान ८००० ते कमाल ८८५० रुपये तर सरासरी ८४२५ रुपये दर मिळाले. तुरीची सुगी आहे. त्यामुळे परभणी जिल्ह्यातील कृषी उत्पन्न बाजार समित्यांमध्ये अद्याप तुरीची दररोज आवक सुरू झालेली नाही.

पाथरी बाजार समितीत शनिवारी (ता. १३) पांढऱ्या तुरीची २५ क्विंटल आवक होऊन प्रतिक्विंटल किमान ८००० ते कमाल ८७०० रुपये तर सरासरी ८४०० रुपये दर मिळाले. शुक्रवारी (ता. १२) पांढऱ्या तुरीची ५४ क्विंटल आवक होऊन प्रतिक्विंटल किमान ७००० ते कमाल ८७०१ रुपये तर सरासरी ८६०० रुपये दर मिळाले.

सेलू कृषी उत्पन्न बाजार समितीत गुरुवारी (ता. ११) लाल तुरीची १२४ क्विटंल आवक होऊन प्रतिक्विंटल किमान ७१०० ते कमाल ९००० रुपये तर सरासरी ८३०० रुपये दर मिळाले. पांढऱ्या तुरीची ६४ क्विंटल आवक असताना प्रतिक्विंटल किमान ७००० ते कमाल ८९२१ रुपये तर सरासरी ८७१० रुपये दर मिळाले.