Tur Production : तुरीच्या उत्पादनात मोठी घट

Jalna News : अंबड तालुक्यात खरीप हंगाम शेतकऱ्यांच्या हातून गेला आहे. शेतकऱ्यांना उत्पन्न मिळेल अशी अपेक्षा रब्बी हंगामात होती. मात्र भरपावसाळ्यात पाहिजे तसा पाऊस पडला नाही. नंतर बेमोसमी पावसाने जोरदार हजेरी लावली.

यामुळे शेतकऱ्यांच्या उभ्या पिकांची पावसाने अक्षरशः दाणादाण उडविली. त्यातच वातावरणात सतत होत असलेला बद्दल, ढगाळ वातावरण, पसरत असलेली धुई याचबरोबर रोगराई यामुळे जोमात आलेले पीक कोमात जात आहे.

कपाशी, तुरीला मोठा फटका: कपाशी व तूर पिकाला बेमोसमी पाऊस,रो गराई, वातावरणातील सतत होत असलेल्या बदलामुळे कपाशी, तुरीला मोठा फटका बसला आहे. यामुळे उत्पन्नात प्रचंड घट झाली आहे.

तर दुसरीकडे शासनाकडून शेतकऱ्यांच्या शेतमालाला कोणताच हमीभाव जाहीर होत नसल्याने व खासगी व्यापारी बेभावात खरेदी करत आहे. यामुळे शेतकऱ्यांनी केलेला खर्चही वसूल होत नाही. यामुळे शेतकऱ्यांची चांगलीच आर्थिक कोंडी झाली आहे.