Banana Market Agrowon
मार्केट इन्टेलिजन्स

Banana Market : निर्यातीच्या केळीला १२०० रुपये प्रतिक्विंटल दर

Banana Export : खानदेशातून आखातात किंवा परदेशात केळी निर्यातीला एप्रिल महिन्यापासून सुरुवात झाली आहे.

चंद्रकांत जाधव ः अॅग्रोवन वृत्तसेवा

Jalgaon News : खानदेशातून आखातात किंवा परदेशात केळी निर्यातीला एप्रिल महिन्यापासून सुरुवात झाली आहे. सध्या पाच ते सहा कंटेनर (एक कंटेनर २० टन क्षमता) केळीची निर्यात सुरू आहे. केळी निर्यातीच्या कार्यवाहीसाठी काही बड्या कंपन्या खानदेशात केळीची खरेदी करीत आहेत.

या कंपन्यांनी पश्चिम बंगालमधील सुमारे साडेचार हजार मजूर केळी पॅकिंग, काढणीच्या कार्यवाहीसाठी उपलब्ध केले आहेत. काही दिवसांपासून केळीदर दबावात आहेत. परंतु मागील दोन-तीन दिवसांत केळी दरात सुधारणा झाली आहे. कंटेनरचा तुटवडा असल्याने केळी निर्यातीला फटका बसला. कारण मागणी करूनही निर्यातदारांना कंटेनर उपलब्ध होत नव्हते. तसेच वाहतुकीसंबंधी देखील अडचणी होत्या, निर्यात रखडत सुरू होती.

यंदा खानदेशातून सुमारे १२०० कंटेनर आखातात निर्यात होण्याची अपेक्षा आहे. त्याची सुरुवात झाली असून, सध्या रोज सहा कंटेनर केळीची निर्यात होत आहे. यात दोन कंटेनर रोज शहादा तालुक्यातून एका कंपनीच्या मदतीने आखातात पाठविले जात आहेत. तर जळगाव जिल्ह्यातून रोज तीन ते चार कंटेनर केळीची निर्यात आखातात होत आहे.

सावदा (ता. रावेर) व परिसरातील केळी पॅक हाऊसची मदत केळी निर्यातदार कंपन्यांना केळी पॅकिंग व इतर कार्यवाहीसाठी होत आहे. निर्यातीच्या केळीला कमाल १२०० रुपये प्रतिक्विंटलचा दर मिळत आहे. रावेरात अधिकची निर्यातक्षम केळी उपलब्ध होत आहे.

सुमारे १२ केळी खरेदीदार कंपन्या खानदेशात केळी खरेदी करीत आहेत. यामुळे केळी दरांवरील दबाव काहीसा झाला आहे. सध्या आंध्र प्रदेशातही केळी उपलब्ध नाही. यामुळे दिल्ली, पंजाब, काश्मीर आदी भागांतूनही खानदेशातील केळीला उठाव आहे. केळीचे किमान दर खानदेशात ६०० ते ७०० रुपये प्रतिक्विंटल आहेत, अशी माहिती मिळाली.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT