Nanded News : जिल्ह्यात मागील दोन दिवसापासून जोरदार पाऊस होत आहे. गुरुवारी जिल्ह्यातील नऊ तालुक्यातील २७ मंडळांत अतिवृष्टी झाली. यानंतर दुसऱ्या दिवशीही शुक्रवारी संततधार पाऊस होत आहे. गेल्या २४ तासांत चार मंडलांत अतिवृष्टी झाली. तर सरासरी १७ मिलिमीटर पावसाची नोंद झाल्याची माहिती हवामान विभागाने दिली आहे. .नांदेड जिल्ह्यात मागील तीन-चार दिवसापासून पावसाने हजेरी लावली आहे. हा पाऊस जिल्ह्याच्या सर्वच भागात होत आहे. या पावसामुळे खरिपातील पिकांना पोषक वातावरण झाले असलेतरी सततच्या पावसामुळे शेतकऱ्यांच्या सोयाबीन, कपाशी, काढणीला आलेले मुग, उडीद या पिकांना बाधा पोचण्याची शक्यता व्यक्त होत आहे..Vidarbha Heavy Rain: विदर्भात पावसामुळे हाहाकार.जिल्ह्यात गुरुवारी (१४) जोरदार पाऊस झाला. यामुळे जिल्ह्यातील नऊ तालुक्यातील तब्बल२७ मंडळात अतिवृष्टीची नोंद झाली होती. यानंतर शुक्रवारपासून जिल्ह्याच्या अनेक भागात पाऊस होत आहे. शनिवारी सकाळी साडेआठ वाजता संपलेल्या २४ तासांत नांदेड जिल्ह्यातील चार महसूल मंडलांत मुसळधार पावसाची नोंद झाली आहे. हवामान विभागाच्या माहितीनुसार ६५ मिमीपेक्षा जास्त पाऊस पडल्याने ही अतिवृष्टी ठरली आहे. .Khandesh Rain: खानदेशात मोठ्या खंडानंतर पावसाची हजेरी.यात लोहा (शेवडी मंडळ) : १०३.७५ , देगलुर (माळेगाव मंडळ) ७४.७५, हिमायतनगर (हिमायतनगर मंडळ) : ७२.७५, कंधार (फुलवाळ मंडळ) : ७०.०० मिलिमीटर पाऊस झाला. या मुसळधार पावसामुळे शेतशिवारात पाणी साचले आहे. यामुळे पिकांचे नुकसान होण्याची शक्यता वर्तवली जात आहे. दरम्यान जिल्ह्यात होत असलेल्या मुसळधार पावसामुळे शेतकऱ्यांनी सतर्क राहावे, असे प्रशासनाने आवाहन केले आहे..तालुकानिहाय पावसाची नोंद (पाऊस मिलिमीटरमध्ये)नांदेड : ६.७०, बिलोली : १.७०, मुखेड : २७.१०, कंधार : २७.१०, लोहा : ३१.६०, हदगाव : ३०.००, भोकर : १५.००, देगलूर : २८.१०, किनवट : २५.५०, मुदखेड : ३५.२०, हिमायतनगर : ३५.४०, माहूर : ११.२०, धर्माबाद : ३.००, उमरी : २७.१०, अर्धापूर : ५.००, नायगाव : ०.६०..हिमायतनगर तालुक्यात सर्वाधिक पाऊसशनिवारी सकाळपर्यंत झालेला सर्वाधिक पाऊस हिमायतनगर तालुक्यात ३५.४० मिलिमीटर व मुदखेड तालुक्यात ३५.२० मिलिमीटर झाला आहे. तर सर्वात कमी पाऊस नायगाव ०.६० मिलीमीटरची नोंद झाली. नांदेड जिल्ह्यात यंदा ता. एक जून ते ता. १६ ऑगस्टपर्यंत एकूण ४८५.०० मिलिमीटर पाऊस झाला. हा पाऊस आजपर्यंत पडणाऱ्या सरासरी पावसाच्या ९१.९८ टक्के तर वार्षिक सरासरीच्या ५४.४१ टक्के नोंदला गेला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
