Chandrapur News : ई-पॅास मशिन व प्रत्यक्ष साठ्यात मोठ्या प्रमाणावर तफावत आढळून आल्याची बाब कृषी विभागाच्या तपासणी मोहिमेत उजेडात आली. याप्रकरणी जिल्ह्यातील ४७ कृषी केंद्रांना ताकीद देण्यात आली तर राजुरा तालुक्यातील एका कृषी केंद्राचा परवाना कायमचा रद्द करण्यात आला. दोन परवान्यांचे काही महिन्यांसाठी निलंबन करण्यात आले. .जिल्ह्यात दीड हजारांवर कृषी केंद्रे आहेत. कृषी निविष्ठांचा काळाबाजार होऊ नये, साठा, विक्री योग्य पद्धतीने व्हावी यासाठी राज्य शासनाने कृषी केंद्रांना ई-पॅास मशिन बंधनकारक केल्या आहेत. जिल्ह्यातील सर्वच कृषी केंद्रांना कृषी विभागाने ई-पॅास मशिन उपलब्ध करून दिल्या आहेत. ते हाताळण्याबाबतही प्रशिक्षण देण्यात आले. .Fertilizer Linking Complaint: आरसीएफच्या विरोधात लिकिंगप्रकरणी तक्रार.अनुदानित रासायनिक खतांची विक्री याच मशिनच्या माध्यमातून केली जाते. सध्या खरीप हंगाम सुरू आहे. शेतकऱ्यांच्या दृष्टीने महत्त्वाच्या असलेल्या या हंगामात खते, बियाणे आणि कीटकनाशकांची टंचाई असल्याचे भासवून कित्येकदा शेतकऱ्यांची लूट केली जाते. .हंगामाच्या पार्श्वभूमीवर जिल्हा अधीक्षक कृषी अधिकारी कार्यालयाच्या गुण नियंत्रण निरीक्षकाच्या नेतृत्वात जिल्हाभरातील कृषी केंद्रांची झाडाझडती एप्रिल ते जून या महिन्यात घेण्यात आली. .या तपासणी दरम्यान नोंदी व खत साठ्यात तफावत आढळून आल्याच्या पार्श्वभूमीवर या कृषी केंद्रांची सुनावणी जिल्हा अधीक्षक कृषी अधिकारी कार्यालयात घेण्यात आली. त्यात राजुरा तालुक्यातील एका कृषी केंद्राचा परवाना कायमचा रद्द करण्यात आला, तर वरोरा तालुक्यातील दोन कृषी केंद्रांचा परवाना काही महिन्यांसाठी निलंबित करण्यात आला. याचप्रकरणात ४७ कृषी केंद्रांना ताकीद देण्यात आली..Nanded Fertilizer Scam : जैविक खतांच्या थेट विक्रीप्रकरणी चौकशी सुरू.दुकाने बंद, परवाना रद्दकृषी विभागाच्या तपासणीदरम्यान भद्रावती, राजुरा आणि जिवती तालुक्यांतील काही कृषी केंद्रे नेहमीच बंद होती. वारंवार भेटीदरम्यान दुकाने सुरू राहत नसल्याने कृषी विभागाच्या पथकाने भद्रावती, राजुरा आणि जिवती तालुक्यातील काही कृषी केंद्रांचे खतांचे, बियाण्यांचे आणि कीटकनाशकांचे परवाने रद्द केले आहेत..नियमानुसार खत, बियाणे आणि कीटकनाशकांची विक्री कृषी केंद्रांनी करावी अन्यथा कारवाई करण्यात येईल.- शंकर तोटावार, जिल्हा अधीक्षक कृषी अधिकारी चंद्रपूर..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
