Chh. Sambhajinagar News : येथील जायकवाडी प्रकल्पातून ३१ जुलै रोजी सायंकाळी १८ दरवाजातून गोदावरीच्या नदीपात्र सुरू करण्यात आलेल्या विसर्ग टप्प्याटप्प्याने घटवून आता केवळ दोन दरवाजातून १०४८ क्युसेक व उजव्या कालव्यातून १२०० क्युसेकने सुरू होता.

दरम्यान सोमवारी दुपारी चारच्या सुमारास सुरू असलेले दोनही दरवाजे बंद करण्यात आले. त्यामुळे आता केवळ उजव्या कालव्यातून विसर्ग सुरू आहे. माहितीनुसार, जायकवाडी प्रकल्पातून ३१ जुलै रोजी सायंकाळी ५ ते ६ वाजेदरम्यान सांडव्याद्वारे गोदावरी नदी पात्रात ९४३२ क्युसेक पाण्याचा विसर्ग जलसंपदा मंत्री राधाकृष्ण विखे पाटील यांच्या हस्ते सुरु करण्यात आला होता.

धरणातील वाढती पाणीपातळी लक्षात घेता, एकूण १८ दरवाजे प्रत्येकी ०.५ फुटांनी उघडण्यात आले होते. हवामान व धरणात येणाऱ्या पाण्याच्या प्रमाणानुसार विसर्गात वाढ किंवा घट केली जाण्याची शक्यता त्यावेळी स्पष्ट करण्यात आली होती. त्यावेळी गोदावरी नदीकाठच्या गावांना सतर्कतेचा इशारा देण्यात आला.

नदी पात्रात कोणताही प्रवेश करू नये, असे आवाहन प्रशासनाकडून करण्यात आले होते. जिवीत किंवा वित्तहानी होऊ नये म्हणून सर्वांनी खबरदारी घेण्याचे आवाहन करण्यात आले होते.

दरम्यान, प्रकल्पात जसजशी पाण्याची आवक कमी होत गेली तसा विसर्ग आवकेच्या प्रमाणात कमी करण्यात ऑगस्टला ५३९२ दिवसात तीन ऑगस्टला २२४८ क्युसेक पाणी विसर्ग सुरू होता. त्यासाठी सांडव्यातून विसर्ग करण्याकरिता केवळ १० व २७ क्रमांकाचे दोन दरवाजे अर्धा फुटाणे उघडण्यात आले होत, अशी माहिती प्रशासनाकडून देण्यात आली.

पाणीसाठा ९१.३० टक्क्यांवर

जायकवाडी प्रकल्पातील उपयुक्त पाणीसाठा ९१.३० टक्क्यांवर पोहोचला आहे. ६९.९९ टीएमसी उपयुक्त पाणी साठले असून प्रकल्पातील एकूण पाणीसाठा ९६.०५ टीएमसीवर पोहोचला, असल्याची माहिती प्रकल्प प्रशासनाकडून देण्यात आली.