Pune News : राज्यासह झारखंड विधानसभेची मुदत नोव्हेंबर महिन्यात संपणार आहे. याआधी केंद्रीय निवडणूक आयोगाला महाराष्ट्रासह झारखंडमधील विधानसभा निवडणुकींच्या कार्यक्रम जाहीर करावा लागेल. यासाठी मंगळवारी (ता.१५) आयोगानाकडून दुपारी साडेतीन वाजता पत्रकार परिषद घेतली जाणार आहे. यामुळे विधानसभा निवडणुकीचा बिगुल वाजणार असून काहीच तासांनंतर आचारसंहिता लागू होण्याची शक्यता आहे. याचदरम्यान गेल्या पाच वर्षांपासून रखडलेल्या राज्यपाल नियुक्त ७ आमदारांचा शपथविधी पार पडला.

यावेळी भाजपकडून चित्रा वाघ, विक्रांत पाटील आणि बाबू सिंग राठोड यांनी शपथ घेतली. राष्ट्रवादी काँग्रेसकडून पंकज भुजबळ आणि इद्रिस नाईकवाडी तर मनीषा कायंदे आणि हेमंत पाटील यांनी शिवसेनेकडून आमदारकीची शपथ घेतली. या आमदारांना शपथ मंगळवारी दुपारी १२.३० वाजता विधान परिषदेच्या उपसभापती नीलम गोऱ्हे यांनी दिली.

राज्यात कोणत्याही क्षणी आचारसंहिता लागू होण्याची शक्यता असून महायुती, महाविकास आघाडी आणि इतर घटक पक्षांमध्ये जागा वाटपाची चर्चा अखेरच्या टप्प्यात आली आहे. याचदरम्यान आज विधानसभा निवडणुकीच्या पार्श्वभूमीवर केंद्रीय निवडणूक आयोगाची पत्रकार परिषद आज दुपारी साडेतीन वाजता आहे. त्यामुळे आता लवकरच विधानसभेची निवडणुकीची घोषणा होईल, असे बोलले जात आहे.

ठाकरे गट हायकोर्टात

दरम्यान या आमदारांच्या शपथविधीला विरोध करणारी याचिका शिवसेना ठाकरे गटाने मुंबई हायकोर्टात दाखल केली होती. तसेच आधीचे प्रकरण प्रलंबित असताना सात आमदारांची नियुक्ती करणे असंविधानिक असल्याचेही ठाकरे गटाने आपल्या याचिकेत म्हटले होते. पण यावर आजच्या सुनावणीत निकाल राखून ठेवताना नियुक्त्यांना कोणतीही स्थगिती नव्हती, असा युक्तिवाद राज्य सरकारतर्फे महाधिवक्ता डॉ. बीरेंद्र सराफ यानी दिलं केला होता. यानंतर राजभवनातील सोहळ्याला कोणतीही स्थगिती देण्यास उच्च न्यायालयाने नकार दिला.