Nanded News: नांदेड जिल्ह्यातील शेतकऱ्यांनी लिंबूवर्गीय फळपिकातील संधीचा लाभ घेण्यासाठी फलोत्पादन पिकांकडे वळावे,  असे आवाहन नाशिक येथील सह्याद्री फार्मचे विलास शिंदे यांनी केले.

जिल्हाधिकारी कार्यालयातील जिल्हा नियोजन भवनात कृषी विभाग आणि आत्मामार्फत संत्रा, मोसंबी, कागदी लिंबू या फळांचा क्षेत्र विस्तार प्रक्रिया आणि मूल्यवर्धन संधीबाबत जिल्हास्तरीय कार्यशाळा आयोजित करण्यात आली होती.

यावेळी ते बोलत होते. कार्यक्रमास निवासी उपजिल्हाधिकारी किरण आंबेकर, जिल्हा अधीक्षक कृषी अधिकारी दत्तकुमार कळसाईत, कृषी उपसंचालक कैलास वानखेडे, आत्माच्या प्रकल्प संचालक अर्चना गुंजकर, किनवट उपविभागीय कृषी अधिकारी किनवट राजकुमार रणवीर,

देगलूर उपविभागीय कृषी अधिकारी विठ्ठल गीते, नांदेड उपविभागीय कृषी अधिकारी अनिल शिरफुले, पोखर्णी कृषी विज्ञान केंद्राचे प्रमुख शास्त्रज्ञ डॉ. देविकांत देशमुख आदी उपस्थित होते.