Irrigation Department land Dispute: उजनी धरण प्रकल्पासाठी संपादित केलेल्या जमिनींवरील बेकायदा अतिक्रमण हटवण्यासाठी जलसंपदा विभागाकडून ठोस कारवाई होत नसल्याच्या निषेधार्थ, शेतकऱ्यांनी आक्रमक पाऊल उचलले आहे. करमाळा तालुक्यातील कंदर येथील शेतकरी अक्षय पराडे आणि अमोल पराडे यांनी उजनी धरण व्यवस्थापन विभाग, भीमानगर यांच्या कार्यालयासमोर बेमुदत आमरण उपोषण सुरू केले आहे..उजनी धरणाच्या निर्मितीवेळी बॅकवॉटर परिसरातील जमिनी भूसंपादित करण्यात आल्या होत्या. कंदर येथील गट क्र. ४११ व ४१२/२ मधील क्षेत्रही प्रकल्पासाठी घेण्यात आले होते. मात्र, संपादित क्षेत्रातील काही जमिनी जलाशयाच्या पाण्यात गेल्या नसल्याने अनेक ठिकाणी मूळ मालक किंवा त्यांचे वारसदार या जमिनी कसत आहेत..Farmer Hunger Strike: शेतकरी प्रश्नांसाठी गुरुवारी एकदिवसीय उपोषण.कंदर येथील संपादित क्षेत्रात मूळ मालक जमीन कसत असताना, जलसंपदा विभागाने हे 'प्रकल्प क्षेत्रावरील अतिक्रमण' असल्याचे सांगून जमिनी ताब्यात घेतल्या. त्यानंतर, या जमिनीवर शब्बीर जहागीरदार यांनी बेकायदेशीरपणे ताबा मिळवून अतिक्रमण केल्याचा आरोप पराडे कुटुंबाने केला आहे..Kisan Sabha Long March: शेतकरी-कामगारांच्या मागण्यांसाठी किसान सभेचे लाल वादळ अहिल्यानगरला धडकणार!.याप्रकरणी पाटबंधारे विभागाने संबंधित व्यक्तीला नोटीस बजावून अतिक्रमण काढून घेण्याचे आदेश दिले होते. मात्र, जहागीरदार यांनी अतिक्रमण काढण्यास विरोध दर्शवला. त्यानंतर कार्यकारी अभियंत्यांच्या सूचनेनुसार जलसंपदा विभागाने त्यांच्याविरुद्ध फौजदारी गुन्हाही दाखल केला आहे. गुन्हा दाखल होऊनही प्रत्यक्षात अतिक्रमण हटवण्यात आलेले नाही..जोपर्यंत प्रशासन ही जमीन रिकामी करत नाही, तोपर्यंत उपोषण मागे घेणार नाही, असा पवित्रा अक्षय आणि अमोल पराडे यांनी घेतला आहे. भीमानगर येथील या उपोषणामुळे आता जलसंपदा विभाग काय भूमिका घेणार, याकडे सर्वांचे लक्ष लागले आहे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
