Maize Crop Damage: अर्जुनी मोरगाव तालुक्यातील गोठणगाव वनपरिक्षेत्रातील वडेगाव बंध्या बीट मध्ये बुधवार (ता. ११) च्या रात्रीपासून हत्तींचा कळप ठाण म्हणून बसला आहे. या हत्तींनी मका पिकाची मोठी नासाडी केली असून, शेतकरी त्रस्त झाले आहेत. .शेतकऱ्यांनी दिलेल्या माहितीनुसार, २५ ते ३५ हत्तींचा समावेश असलेला हा कळप वडेगाव बंध्यालगतच्या जंगलात ठाण मांडून बसला आहे. हा कळप शनिवारीदेखील वडेगाव बंध्याच्या जंगलातच असल्याची माहिती वनविभागाने दिली. हत्तींवर नियंत्रण मिळविण्यासाठी खास हुल्ला पथक पश्चिम बंगालवरून पाचारण करण्यात आले..Wildlife Conflict: डोंगरपट्ट्यात ‘रब्बी’ नामशेष होण्याच्या अवस्थेत.स्थानिक गस्तीपथकामार्फत गावाजवळ विस्तव पेटवून शेतात हत्तींचा कळप येण्यापासून रोखण्याचे वनविभागाचे प्रयत्न युद्धपातळीवर सुरू आहेत. हे दोन्ही पथक हत्तींना शेतात जाण्यापासून व पिकाचे नुकसान टाळण्यापासून प्रयत्न करीत आहेत. हत्तींना इतरत्र वळविण्यासाठी हुल्ला टीम विशेष प्रयत्न करीत असली तरी त्यात फार यश आले नव्हते. सायंकाळ झाली की जंगलातून हत्तीचा कळप गावाशेजारी, शेताशेजारी येत आहे. .Wildlife Conflict: चिकोत्रा खोऱ्यात गव्यांचा धुमाकूळ.रात्र झाली की शेतात प्रवेश करून मक्याच्या पिकाचे अतोनात नुकसान करीत आहेत. त्यामुळे या परिसरातील शेतकऱ्यांचे फार नुकसान होत आहे. या कळपाने शेतशिवारातून मार्ग काढताना मका व भाजीपाला पिकांची मोठ्या प्रमाणात नासधूस केल्याची माहिती आहे. गोठणगाव व अर्जुनी मोरगावचे वनपरिक्षेत्राधिकारी मिलिंद पवार हे हुल्ला पथक व वनविभागाच्या पथकांसोबत वडेगाव येथे तळ ठोकून आहेत..दरम्यान, गोंदिया येथील उपवनसंरक्षक पवनकुमार जोंग यांनी वडेगाव बंध्या येथे शनिवारी (ता. १४) भेट दिली. तसेच शेतात जाऊन शेतकऱ्यांच्या पिकांच्या नुकसानाचीही पाहणीही केली. सहायक वनसंरक्षक तथा प्रकोष्ठ निष्कासन अधिकारी अविनाश मेश्राम यांनीही घटनास्थळाला भेट दिली..वनविभागाच्या पथकाकडून हत्तींच्या हालचालींवर बारकाईने लक्ष ठेवण्यात येत असून परिसरात रात्रंदिवस हत्ती सनियंत्रण पथकाची गस्त वाढविण्यात आली आहे. शेतात जाण्यापासून हत्तींना रोखण्याचे सर्व प्रयत्न केले जात आहेत. शेतकऱ्यांना पिकाच्या नुकसानाची भरपाई देण्यात येईल.-मिलिंद पवार, वनपरिक्षेत्राधिकारी, गोठणगाव..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
