Pune News : राज्य सरकारच्या पशुसंवर्धन व दुग्धविकास मंत्रालयाकडून खाजगी पशुवैद्यकीय महाविद्यालयांना परवानगी देण्याचा निर्णय घेण्यात आला आहे. या निर्णया विरोधात शासकीय पशुवैद्यकीय महाविद्यालयातील विद्यार्थ्यांनी बेमुदत संप पुकारला आहे. यात परभणीसह राज्यातील चार पशुवैद्यकीय महाविद्यालयातील ४ हजार विद्यार्थ्यांचा समावेश असून गेल्या पाच दिवसापासून बेमुदत संप सुरू आहे. यामुळे राज्यातील पशु चिकित्सालयांची सेवा पूर्णपणे ठप्प झाली असून यावर अद्यापही सरकारने तोडगा काढलेला नाही.
राज्य सरकारच्या या निर्णयामुळे भविष्यात बेरोजगारांची संख्या वाढण्यावर भर पडेल, असा आरोप परभणी येथील शासकीय पशुवैद्यकीय महाविद्यालयातील विद्यार्थ्यांनी केला आहे. तसेच या निर्णयाविरोधात राज्यातील जवळपास ४ हजार विद्यार्थी बेमुदत संपाचे हत्यार उपसले आहे. तर या विद्यार्थ्यांनी पशुवैद्यकीय महाविद्यालय तसेच संलग्न पशुचिकित्सालयावर बहिष्कार टाकला आहे.
तर खाजगी पशु महाविद्यालयांमुळे ग्रामीण विद्यार्थ्यांना भरमसाट फि भरणे शक्य होणार नाही. यातूनच बेरोजगारांची संख्या वाढण्याची शक्यता नाकारता येत नाही असे विद्यार्थ्यांचे म्हणणे आहे. खाजगी पशुवैद्यकीय महाविद्यालयांना परवानगी न देता शासकीय पशुवैद्यकीय महाविद्यालये सुरू करण्यावर सरकारने भर द्यावा अशीही मागणी विद्यार्थ्यांनी केली आहे. तसेच खाजगी महाविद्यालये सुरू करण्यास दिलेल्या परवानगी बद्दल सरकारने पुनर्विचार करावा अशी विनंती संपावर असणाऱ्या विद्यार्थ्यांनी केली आहे.
राज्यात तीन महाविद्यालये प्रस्तावित आहेत. महाराष्ट्र पशु व मत्स्य विज्ञान विद्यापीठाअतंर्गत सध्या राज्यभर सहा महाविद्यालये सुरू आहेत. याकडे लक्ष न देता सरकार खाजगी महाविद्यालयाचा घाट घालत असल्याचा आरोप परभणी येथील पशुवैद्यकीय महाविद्यालयातील विद्यार्थ्यांनी केला आहे.
तसेच सातारा येथील विद्यार्थ्यांनी पहिल्या दिवशी संपावर जात असतानाच बिहार, उत्तर प्रदेश, आंध्र प्रदेश, मध्य प्रदेश या राज्यांमध्ये एकही खासगी पशुवैद्यकीय महाविद्यालय नसल्याचा दाखला दिला होता. तर या राज्यांमध्ये पशुवैद्यकीय महाविद्यालय नसताना महाराष्ट्रात खाजगीचा घाट का घातला जातोय असा सवाल केला होता.
दरम्यान विद्यार्थ्यांच्या संपावरून शासकीय स्तरावर हालचाली झाल्या असून अधिकाऱ्यांनी काही आश्वासने दिली आहेत. मात्र ती आश्वासने पोकळ असून ठोस उपाय कधी करणार असा सवाल आता पशुवैद्यकीय विद्यार्थ्यांकडून उपस्थित केले जात आहेत.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.