Maharashtra Monsoon Update: राज्यात मॉन्सूनने दमदार हजेरी लावत अनेक भागांना अक्षरशः झोडपून काढले आहे. कोकण आणि पालघर पट्ट्यात अतिवृष्टीची नोंद झाली असून, राज्यातील २४३ मंडलांमध्ये ६५ मिलिमीटरपेक्षा अधिक पावसाची नोंद झाली आहे. बुधवारी (ता. २४) सकाळी आठ वाजेपर्यंत वसई (पालघर) तालुक्यातील मांडवी, नीलम आणि माणिकपूर येथे प्रत्येकी २९७ मिलिमीटर तर रायगड जिल्ह्यातील कोपरोली येथेही २९७ मिलिमीटर इतका पाऊस झाला. या पावसामुळे शेतकऱ्यांना काहीसा दिलासा मिळाला असून, भात रोपवाटिका व पेरणीच्या कामांना गती मिळण्याची शक्यता आहे..कोकणात पावसाचा कहररायगड जिल्ह्यात पावसाचा सर्वाधिक जोर दिसून आला. उरण, अलिबाग, पेण आणि तळा परिसरात २०० ते २९७ मिलिमीटर इतका मुसळधार पाऊस झाला. उरण परिसरात २४३, कोपरोली येथे २९७, पोयनाड व कासू येथे २७८, तर रामराज येथे २३२ मिलिमीटर पावसाची नोंद झाली. या पावसामुळे खाडीपट्ट्यात पाणी साचून काही ठिकाणी वाहतूक विस्कळीत झाली आहे. रत्नागिरी जिल्ह्यात ८० ते १५० मिमी दरम्यान मध्यम ते जोरदार पाऊस झाला. .चिपळूण, संगमेश्वर, खेड आणि लांजा परिसरात पेरणीपूर्व तयारी सुरू असून, काही ठिकाणी पेरणीही सुरू झाली आहे. सिंधुदुर्ग जिल्ह्यात ६५ ते ११० मिमी दरम्यान सातत्यपूर्ण पाऊस झाल्याने भात पेरणीस पोषक वातावरण तयार झाले आहे. पालघर जिल्ह्यात अतिवृष्टीचा सर्वाधिक फटका बसला आहे. वसई तालुक्यातील अनेक मंडलांमध्ये २३३ ते २९७ मिलिमीटर पाऊस झाला. डहाणू, पालघर आणि बोईसर परिसरात १०० ते १९० मिलिमीटर पाऊस झाला असून, सखल भागांत पाणी साचून घरांमध्ये व शेतजमिनीत पाणी शिरण्याच्या घटना घडल्या आहेत..Rain Update In Maharashtra : राज्यातील १४ जिल्ह्यांना मुसळधार पावसाचा ऑरेंज अलर्ट; मॉन्सूनने महाराष्ट्र व्यापला.मध्य महाराष्ट्रात दमदार पाऊसगेल्या काही दिवसांपासून प्रतीक्षेत असलेल्या मॉन्सूनने पुणे जिल्ह्यातही दमदार हजेरी लावली आहे. जिल्ह्यातील सुमारे दहा तालुक्यांत मध्यम ते जोरदार पाऊस झाला असून, जुन्नर तालुक्यातील वडगाव आनंद मंडलात सर्वाधिक १३५ मिमी पावसाची नोंद झाली आहे. बारामती आणि इंदापूर तालुक्यांत तुरळक सरी पडल्या आहेत. तर पुणे जिल्ह्यात लोणावळा, जुन्नर आणि वेल्हे परिसरात ७० ते ११४ मिमी पाऊस झाला. तापमानात सुमारे पाच अंशांची घट होऊन उकाड्यापासून नागरिकांना दिलासा मिळाला आहे. पावसामुळे भात पट्ट्यातील शेतकऱ्यांना मोठा दिलासा मिळून पेरणीच्या कामांना वेग येण्याची शक्यता निर्माण झाली आहे. घाटमाथ्यावर पावसामुळे धरण क्षेत्रात पाण्याची आवक वाढू लागली आहे. सातारा जिल्ह्यात महाबळेश्वर येथे २१५ मिमी इतका जोरदार पाऊस झाला असून, पेरणीच्या कामांना वेग येण्याची शक्यता आहे..मराठवाड्याला दिलासा :मराठवाडा व परिसरात झालेल्या मध्यम स्वरूपाच्या पावसामुळे शेतकऱ्यांना काहीसा दिलासा मिळाला आहे. छत्रपती संभाजीनगर, जालना या जिल्ह्यांमध्ये ६५ ते ११० मिलिमीटर दरम्यान पावसाची नोंद झाली असून, या पावसामुळे जमिनीत काहीशी ओल निर्माण झाली आहे. त्यामुळे खरीप हंगामाच्या तयारीला सुरुवात करण्यास अनुकूल स्थिती तयार झाली असली तरी अद्याप पेरणीयोग्य समाधानकारक पावसाची प्रतीक्षा कायम आहे. सध्या पडलेल्या पावसामुळे कोरडवाहू भागातील जमिनींमध्ये काही प्रमाणात ओलावा टिकून राहिला आहे. मात्र अनेक भागांत पावसाचे वितरण असमान असल्याने काही ठिकाणी ओल कमी असल्याचे चित्र आहे. त्यामुळे शेतकरी वर्गाने अद्याप मोठ्या पावसाच्या प्रतीक्षेत आहे..विदर्भात पेरणीची तयारीअमरावती, यवतमाळ, नागपूर आणि भंडारा या परिसरात साधारण ६५ ते १३० मिलिमीटर इतका पाऊस नोंदविला गेला आहे. या पावसामुळे जमिनीत पुरेसा ओलावा निर्माण झाला असून शेतकऱ्यांनी नांगरणी, वखरणी तसेच पेरणीपूर्व मशागतीची कामे वेगाने सुरू झाली आहेत. या परिस्थितीत शेतकऱ्यांनी कपाशी, सोयाबीन, तूर यांसारख्या प्रमुख पिकांच्या पेरणीसाठी जमिनीची योग्य मशागत करून बी-बियाण्यांची निवड सुरू केली आहे. काही भागांमध्ये हलका ते मध्यम पाऊस पडला आहे. त्यामुळे पुरेसा चांगला पावसाच्या प्रतीक्षेत आहेत. तर भंडारा जिल्ह्यातील काही भागांत तांदूळ (भात) लागवडीसाठी शेतांची चिखलणी करण्याची तयारीही दिसून येत आहे.राज्यात बुधवारी (ता. २४) सकाळी आठ वाजेपर्यंत १०० मिलिमीटरहून अधिक मंडलनिहाय पडलेला पाऊस : रायगड : कोपरोली २९७, पोयनाड २७८, कासू २७८, उरण २४३, रामराज २३२, मांदाड २२३, चरी २१०, हमरापूर १९९, जसई १९१, सरळ १८९, तळा १७६, कामरली १७२, चनेरा १७२, घोसाळे १७२, ओवळे १५४, मांघरूण १५०, पेडली १४२, नांदगाव १४२, पाली १४०, महाड १३८, रोहा १३५, खामगाव १२४, इंदापूर १२३, निजामपूर १२३, चौल ११९, अलिबाग ११७, कोलाड ११४, पेण ११४, पोलादपूर ११२, वाकण ११२, करंजवाडी १०४, तुडील १०५, चौक १०५, वावोशी १०५, गोरेगाव १०२, नेरे १०१..Maharashtra Monsoon Latest Update : मॉन्सूनने अखेर संपूर्ण महाराष्ट्र व्यापला; राज्यात मॉन्सून सरींची हजेरी.पालघर : मांडवी २९७, निर्मळ २९७, माणिकपूर २९७, वसई २८३, आगाशी २३३, विरार २३३, पालघर १९२, चिंचणी १८९, तारापूर १५६, बोईसर ११७, डहाणू १०३, मलयान १०३.ठाणे : भाईंदर २६७, देहरी १४०, अपर-कल्याण १३४, बालकुम १०६, खरबाव १०६.सातारा : महाबळेश्वर २१५, लामज १२१.रत्नागिरी : कडवई १५३, वहाळ १४५, विलवडे १३६, माखजन १३४, माभळे १३१, सावरडे १२७, आसुर्डे १२७, मुर्डाव १२७, मंडणगड १२५, आंगवली १२३, आंबलोली १२१, तेरे १२०, भांबेड १२०, फणसवणे ११९, सातवली ११८, कळकवणे ११७, शिरगाव ११७, कोंडगाव ११३, देवळे ११०, पालगड १०८, लांजा १०८, धामणंद १०७, कुलवंडी १०६, देव्हारे १०५, दापोली १०४, बुरोंडी १०४, वाकवली १०३..अमरावती : धारणी १२९, नांदगाव ११८, मांगरूळ ११३.पुणे : लोणावळा ११४, कुसगाव ११४, नारायणगाव १११, जुन्नर १०७.कोल्हापूर : आंबा ११३.सिंधुदुर्ग : कसाल १११, मिठबांब १०९, भेडशी १०२.जालना : रामनगर १०९.यवतमाळ : खडकदोह १०७..जिल्हानिहाय १०० मिलिमीटरहून अधिक पाऊस पडलेल्या मंडलांची संख्या :रायगड ३६ मंडलेरत्नागिरी २८ मंडलेपालघर १२ मंडलेठाणे ५ मंडलेपुणे ४ मंडलेसिंधुदुर्ग ३ मंडलेअमरावती ३ मंडलेसातारा २ मंडलेकोल्हापूर १ मंडलजालना १ मंडलयवतमाळ १ मंडल.मंडलनिहाय २०० मिलिमीटरहून अधिक पडलेला पाऊसमांडवी ः २९७, निर्मल ः २९७, माणिकपूर ः २९७,कोपरोली ः २९७, वसई ः २८३, पोयनाड ः २७८,कासू ः २७८, भायंदर ः २६७, उरण ः २४३,आगाशी / विरार ः २३३, रामराज ः २३२,मांदाड ः २२३, महाबळेश्वर ः २१५..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
