Bidri Sugar Factory agrowon
ॲग्रो विशेष

Bidri Sugar Factory : कारवाई मागे घ्या, अन्यथा तीव्र लढा, 'बिद्री’च्या शेतकरी, सभासदांचा कागल तहसीलवर मोर्चा

Bidri Ethanol Project : ‘१३५ कोटी रुपयांचा इथेनॉल प्रकल्प बंद पाडणाऱ्या तपास यंत्रणेचा धिक्कार असो’ अशा आशयाचे फलक घेऊन सभासद मोर्चात सहभागी झाले होते.

sandeep Shirguppe

Kolhapur Sugar Factory : कोल्हापूर जिल्ह्यातील सर्वाधिक ५७ हजार सभासद असलेल्या कागल तालुक्यातील बिद्री सहकारी साखर कारखान्यावर राज्य उत्पादन शुल्क विभागाने कारवा ई केली. दरम्यान यावर राधानगरी, कागल, भुदरगड तालुक्यातील सभासद शेतकऱ्याना मोठा फटका बसणार आहे. ही कारवाई चुकीची असून, त्याच्या निषेधार्थ कारखान्याचे शेतकरी, सभासदांनी कागल तहसील कार्यालयावर धडक मोर्चा काढून निषेध नोंदविला.

यावेळी मोर्चेकऱ्यांनी कारखान्यावर केलेली कारवाई मागे घ्यावी, अन्यथा तीव्र लढा उभारण्याचा इशारा दिला.

मोर्चाला कागल तालुका खरेदी-विक्री संघापासून सुरुवात झाली. घोषणा देत मोर्चा तहसील कार्यालयावर नेण्यात आला. यावेळी मोर्चेकऱ्यांनी ‘आमचा दर भारी, आमचा कारभार भारी’, ‘सभासद, ऊस उत्पादकांचा बिद्री कारखाना वाचला पाहिजे’, ‘१३५ कोटी रुपयांचा इथेनॉल प्रकल्प बंद पाडणाऱ्या तपास यंत्रणेचा धिक्कार असो’ अशा आशयाचे फलक घेऊन सभासद मोर्चात सहभागी झाले होते. मोर्चा तहसील कार्यालयासमोर आल्यानंतर त्याचे रूपांतर सभेत झाले. यावेळी मागण्यांचे निवेदन तहसीलदार अमरदिप वाकडे यांना देण्यात आले.

यावेळी जिल्हा बँकेचे संचालक भैया माने म्हणाले, ‘देशातील निम्याहून अधिक कारखाने एफ.आर.पी. देऊ शकत नाहीत. मात्र, बिद्री साखर कारखाना देशात एक नंबरचा दर देतो. शेतकऱ्यांच्या हिताचा कारभार करणाऱ्या या कारखान्यावर राजकीय द्वेषातून कारवाई केली जात आहे. हा कारखाना वाचला पाहिजे. यासाठी यापुढेही लढाईसाठी सज्ज राहूया.’

गोकुळचे संचालक अंबरीष घाटगे म्हणाले, ‘बिद्री कारखान्यावर केलेली कारवाई, सभासद शेतकऱ्यांची मोठी हानी करणारी आहे. ती कारखान्यावर नसून ६५ हजार कारखान्यांच्या सभासदांचे भविष्य नष्ट करणारी आहे. तसेच ती पवित्र सहकार चळवळ मोडीत काढणारी आहे.’

यावेळी गोकुळचे संचालक नवीद मुश्रीफ, प्रवीण भोसले, दत्ता सावंत, दत्ता पाटील-केनवडेकर, अशोक चौगुले, मनोज फराकटे यांनी मनोगत व्यक्त केले. मोर्चात बिद्रीचे संचालक प्रविण पाटील, गोकुळचे संचालक युवराज पाटील, माजी नगराध्यक्ष प्रकाश गाडेकर, नवल बोते, विकास पाटील, शशिकांत खोत, संभाजी भोकरे, चंद्रकांत गवळी, इरफान मुजावर, संजय चितारी, नितीन दिंडे, यांच्यासह कारखान्याचे सभासद आणि शेतकरी सहभागी झाले होते.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Rabi Crop Loan : वर्धा जिल्ह्यात दुष्काळाचा पीककर्ज वाटपालाही फटका: रब्बी हंगामासाठी ७,६४५ शेतकऱ्यांना १२१ कोटींचे कर्जवाटप

Sustainable Farming : खानदेशात मोठा कृषी बदल: रासायनिक तणनाशकांचा वापर ३० टक्क्यांनी घटला

Rabi Season : खरिपानंतर आता रब्बी हंगामालाही दुष्काळाचा मोठा फटका; पाण्याअभावी पेरण्या रखडल्याने बळीराजा चिंतेत!

Old Farm Pond Lining Approval : शेतकऱ्यांची मोठी मागणी: जुन्या शेततळ्यांचे अस्तरीकरण नव्याने करण्यासाठी अनुदानास मंजुरी द्या!

Tembhu Project : सांगलीच्या दुष्काळी पट्ट्याला मोठा दिलासा: 'ताकारी आणि म्हैसाळ' योजना सुरू, आता 'टेंभू'चे आवर्तन कधी?

SCROLL FOR NEXT