Latur News: तालुक्यात मागील काळात झालेल्या अवकाळी पावसामुळे शेतकऱ्यांना पेरणीचा अंदाज आला नसल्याने काही ठिकाणी पेरणी शिल्लक राहिली आहे. तालुक्यात मे महिन्यात सर्वदूर अवकाळी पावसाने हजेरी लावल्याने काही शेतकऱ्यांनी जून महिन्याच्या सुरुवातीला पेरणी केली तर काहीं शेतकऱ्यांची पेरणी शिल्लक राहिली.
सध्या पिकांच्या उगवणीसाठी पावसाची अतिशय गरज आहे, असे शेतकऱ्यांनी सांगितले.तालुक्यातील ७१ हजार ४८२ पेरणीलायक क्षेत्रापैकी जवळपास ६५ हजार हेक्टर क्षेत्रावर पेरणी झाली आहे.
दरवर्षीप्रमाणे सोयाबीन पेरणी अधिक झाली असली तरी मागील वर्षाच्या तुलनेने यावर्षी सोयाबीनचे पेरणी क्षेत्र काही अंशी कमी झाल्याचे चित्र असून कापूस पेरणी क्षेत्र वाढले आहे. तालुक्यातील सद्यःस्थितीचे नियमित मुख्य पिकांचे पेरणी क्षेत्र ः सोयाबीन ३७ हजार १०५ हेक्टर, कापूस ९ हजार ३९५ हेक्टर, तूर ८ हजार ३८६ हेक्टर आहे.
मुगाचे पेरणी क्षेत्र ४९५ तर उडिदाचे पेरणी क्षेत्र ३०६ असे आहे. जूनच्या मध्यात पूर्व पेरणी झालेल्या सोयाबीन पिकामध्ये कोळपणी, खुरपणी चालू आहे. पंधरा दिवसांपासून पावसाने पाठ फिरवली आहे. रिमझिम पावसाच्या सडाक्यावर आजपर्यंत पिकांनी तग धरली असली तरी सध्या पिकांना पाण्याची नितांत आवश्यकता आहे.
उत्पन्न वाढीसाठी शेतीशाळाचे नियोजन
शेतीशाळेत बचत गटच्या वतीने शेती करणाऱ्या शेतकऱ्यांना सहा वर्गाच्या माध्यमातून सोयाबीन पिकाचे उत्पन्न वाढीबद्दल बियाणे निवड, बीज प्रक्रिया, पेरणीयासह खत, कीड, रोग, पाणी व्यवस्थापन व कापणी पर्यंत तज्ज्ञ लोकांकडून मार्गदर्शन होणार आहे.
आमच्या शेतात तीन जुलैला पेरणी केली. पेरणीनंतर पावसाने जवळपास उघडीप दिली आहे. सध्या उगवण झालेल्या पिकांना पाण्याची अत्यंत गरज आहे. दोन ते तीन दिवसांत पाऊस नाही झाला तर दुबार पेरणीचे संकट येण्याची शक्यता आहे.- कैलास खानापुरे, कोपरा
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.