Chh. Sambhajinagar News : योजना मागेल त्याला सौर कृषी पंप असली तरी प्रत्यक्षात योजनेतून कृषी पंप मिळण्यासाठी प्रचंड दीर्घ प्रतिक्षा आणि मनस्तापक शेतकऱ्यांच्या माठी येत असल्याची स्थिती आहे. डिसेंबर २०२४ मध्ये पैसे भरलेल्या मुरूमखेडा (ता. जि. छत्रपती संभाजीनगर) येथील महिला शेतकऱ्यांने सौरपंप मिळण्यासाठी आता दुसऱ्यांदा महावितरणकडे धाव घेतली आहे.
या संदर्भात अधिक माहितीनुसार, की मुरूमखेडा (ता. जि. छत्रपती संभाजीनगर) येथील रश्मी प्रकाशसिंग राजपूत यांनी २३ नोव्हेंबर २०२४ रोजी मागेल त्याला सौर कृषी पंप योजनेअंतर्गत कृषी पंप मिळण्यासाठी ऑनलाइन अर्ज सादर केला. त्यांचा क्रमांक MT४४१३७००३५३५१९ हा आहे. त्यानंतर त्यांना १० टक्के शेतकरी वाटा भरण्यासाठीचा पर्याय मिळाला. त्यामुळे त्यांनी २२ हजार ९७१ रुपये ७ डिसेंबर २०२४ रोजी भरले.
पोर्टलवरून त्यांना दिनांक २१ मे २०२५ ला पाण्याचे शाश्वत जलस्रोत उपलब्ध नसणे या कारणास्तव त्यांचा अर्ज नामंजूर केल्याचे कळले. त्यानंतर २६ मे २०२५ रोजी याप्रकरणी श्रीमती राजपूत यांनी अर्ज सादर केला परंतु त्यावर कुठेही हालचाल महावितरणकडून करण्यात आली नसल्याचे श्रीमती राजपूत यांचे म्हणणे आहे.
त्यामुळे पुन्हा एकदा १६ जुलै रोजी श्रीमती राजपूत यांनी महावितरणच्या अधीक्षक अभियंता लेखी अर्ज सादर केला आहे. प्रत्यक्ष शेत जमीन पाहून माझा अर्ज मंजूर करावा, माझ्या शेतात बोअरवेल व विहीर दोन्ही स्रोत उपलब्ध आहेत.
पडताळणी झाल्यास यामधील दिरंगाई पुढे येऊ शकते असे राजपूत यांचे म्हणणे आहे. सिंचन रात्री करण्याची वेळ शेतकऱ्यांवर येऊ नये म्हणून सौर कृषी पंप योजना आली. परंतु अडचणींमुळे योजना तत्परतेने लाभार्थ्यांना मिळणे कठीण असल्याची स्थिती आहे. शिवाय महावितरण कडूनही सौर पंप मिळण्यासाठी शेतकऱ्यांना बघतो च्या पलीकडे काही उत्तर मिळत नाही, असे काही शेतकऱ्यांनी सांगितले. त्यामुळे सौर कृषी पंपासाठी तक्रारीचा ओघ कायमच असल्याची स्थिती आहे.
पुरवठादारांची पंप मर्यादा समाप्त
शेतकऱ्यांच्या माहितीनुसार अनेक महिन्यांपासून ज्या कंपन्याकडून शेतकऱ्यांना सौर पंप मिळणे अपेक्षित असते तो वेळेत कधीच मिळत नाही. अलीकडे तर शेतकऱ्यांनी कंपनीची निवड करण्यासाठी ऑनलाइन प्रयत्न केल्यास, ‘सर्व पुरवठादारांची पंप मर्यादा समाप्त’असे उत्तर त्यांना मिळत असल्याचे शेतकऱ्यांनी सांगितले. त्यामुळे सौर पंप मागेल त्याला मिळतील कसे असा प्रश्न शेतकऱ्यांनी उपस्थित केला.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.