Satara News : नैसर्गिक शेतीला प्रोत्साहन देण्यासाठी राष्ट्रीय नैसर्गिक शेती मिशन ही महत्वकांक्षी योजना राबविण्यात येत आहे. या अंतर्गत सातारा जिल्ह्यात शेतकऱ्यांचा मोठा प्रतिसाद लाभत आहेत.

यामध्ये दहा तालुक्यांतून ५४ गटांची निवड करण्यात आली आहे. या गटाचे क्षेत्र दोन हजार ७०० हेक्टर असून नैसर्गिक शेतीमुळे शेतकऱ्यांचा उत्पादन खर्च कमी होणार आहे. या योजनेची अंमलबजावणी केंद्र आणि राज्य शासनाच्या कृषी विभागाच्यावतीने करण्यात येत आहे.

शेतकऱ्यांचा उत्पादन खर्च कमी करणे, बाह्य निविष्ठा खरेदी न करणे, निसर्गावर आधारित शाश्वत शेती प्रणाली विकसित करणे, मातीचे आरोग्य आणि सुपीकता पुनरुज्जीवित करणे, पाण्याची गुणवत्ता वाढविणे, जैवविविधता जतन, शेतकरी त्यांचे कुटुंब आणि ग्राहकांना सुरक्षित, आरोग्यदायी आणि पौष्टिक अन्न पुरविणे हे मुख्य उद्दिष्ट या योजनेचे आहे.

या योजनेस केंद्र शासनाचा ६० तर राज्य सरकारचा ४० टक्के निधी मंजूर आहे. जिल्ह्यात ५० हेक्टर क्षेत्राचा एक गट तयार करण्यात आलेला आहे. अशा प्रकारे जिल्ह्यातील १० तालुक्यांत ५४ गट निवडण्यात आले आहेत.