Chh. Sambhajinagar News : मराठवाड्यातील ८७९ लघू, मध्यम, मोठ्या प्रकल्पांसह गोदावरी, तेरणा, मांजरा, रेणा नद्यांवरील बंधाऱ्यांमध्ये उपयुक्त पाणी साठा ५२ टक्क्यांवर पोहोचला असल्याची माहिती जलसंपदा विभागाकडून देण्यात आली.
मराठवाड्यातील ११ मोठ्या प्रकल्पात ६४.१२ टक्के उपयुक्त पाणीसाठा झाला आहे. तर मध्यम ७५ प्रकल्पात ३२.४९ टक्के, लघू ७५१ प्रकल्पांत २७.५९ टक्के, गोदावरी नदीवरील १५ बंधाऱ्यांत ४१.७१ टक्के, तर तेरणा, मांजरा, रेणा नद्यांवरील २७ बंधाऱ्यांत सुमारे ४४.१२ टक्के उपयुक्त पाणीसाठा झाला आहे.
मोठे प्रकल्प
मराठवाड्यातील ११ मोठ्या प्रकल्पांपैकी जायकवाडीत ७८ टक्के, येलदरीत ६२ टक्के, सिद्धेश्‍वरमध्ये ३४ टक्के, माजलगावमध्ये १३ टक्के, मांजरामध्ये २५ टक्के, ऊर्ध्व पैनगंगा ६४ टक्के, निम्न तेरणा ७० टक्के, निम्नमनार ५३ टक्के, विष्णुपुरी ८२ टक्के, निम्न दुधना ४९ टक्के, तर सिनाकोळेगाव प्रकल्पात ५२ टक्के उपयुक्त पाणीसाठा झाला आहे.
मध्यम प्रकल्प
मध्यम ७५ प्रकल्पांपैकी छत्रपती संभाजीनगर जिल्ह्यातील १६ प्रकल्पांत १८ टक्के, जालनामधील ७ प्रकल्पांत १७ टक्के, बीडमधील १६ प्रकल्पांत ५३ टक्के, लातूर मधील ८ प्रकल्पांत १६ टक्के, धाराशिवमधील १७ प्रकल्पांत ४३ टक्के, नांदेडमधील ९ प्रकल्पांत ४१ टक्के, परभणीतील २ प्रकल्पांत २८ टक्के उपयुक्त पाणीसाठा झाला आहे.
लघु प्रकल्प
मराठवाड्यातील ७५१ लघू प्रकल्पांपैकी संभाजीनगरमधील ९८ प्रकल्पांत १४ टक्के, जालनामधील ५७ प्रकल्पांत १७ टक्के, बीडमध्ये १२६ प्रकल्पांत ३३ टक्के, लातूरमधील १३५ प्रकल्पांत २१ टक्के, धाराशिवमधील २०६ प्रकल्पांत ४० टक्के, नांदेडमधील ८० प्रकल्पांत ३७ टक्के, परभणीतील २२ प्रकल्पांत १८ टक्के, तर हिंगोलीतील २७ प्रकल्पांत सर्वांत कमी सरासरी २ टक्के उपयुक्त पाणीसाठा झाला आहे.
१० लघू प्रकल्प अजूनही कोरडेच
मराठवाड्यातील १० लघू प्रकल्प अजूनही कोरडेच आहेत. त्यामध्ये जालन्यातील ५ व धाराशिवमधील ४ तर छत्रपती संभाजीनगर जिल्ह्यातील एका लघू प्रकल्पाचा समावेश आहे. तब्बल १६८ प्रकल्पांतील पाणीसाठा जोत्याखाली आहे.
त्यामध्ये छत्रपती संभाजीनगर, जालना जिल्ह्यातील प्रत्येकी १९, बीडमधील ३९, लातूरमधील १७, धाराशिवमधील ५५, नांदेडमधील २२, परभणीतील १२, हिंगोलीतील १५ लघू प्रकल्पांचा समावेश आहे. तर जोत्याखाली पाणीसाठा असलेल्या ५ मध्यम प्रकल्पांत बीडमधील २, तर जालना, छत्रपती संभाजीनगर व धाराशिवमधील प्रत्येकी एका मध्यम प्रकल्पाचा समावेश आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.