Nanded News : प्रादेशिक सहसंचालक (साखर) कार्यालय नांदेड अंतर्गत गाळप हंगाम २०२३-२०२४ करिता गाळप परवानासाठी अर्ज केलेल्या २९ साखर कारखान्यापेकी केवळ ११ साखर कारखान्यांचं गाळप परवाना मिळाल्याची माहिती प्रादेशिक सहसंचालक (साखर) सचिन रावल यांनी दिली.

('ॲग्रोवन'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नांदेड विभागात परभणी, हिंगोली, लातूर व नांदेड या चार जिल्ह्यांचा समावेश आहे. नांदेड विभागात मागीलवर्षी ३० साखर कारखाने सुरू झाले होते. यात १९ खासगी, तर ११ सहकारी कारखान्यांचा समावेश होता. चालू हंगाम २०२३-२४ या वर्षाचा गाळप हंगाम लवकरच सुरू होत आहे.

यासाठी विभागातील २९ साखर कारखान्यांनी गाळप हंगामासाठी नांदेड प्रादेशिक सहसंचालक (साखर) कार्यालयाच्या मार्फत राज्याच्या साखर आयुक्तांकडे गाळप परवान्यासाठी ऑनलाइन अर्ज सादर केले आहेत. यात २१ खासगी, तर आठ सहकारी साखर कारखान्याचा समावेश आहे.

परंतु राज्याच्या साखर आयुक्तांकडून ज्या कारखान्यांनी शेतकऱ्यांची थकित दिली नाही, तसेच लोकनेते गोपीनाथ मुंडे ऊसतोड कामगार मंडळाचे पैसे भरले नाहीत अशा कारखान्यांना परवाना नाकारला आहे. ज्या कारखान्यांनी अटीची पूर्तता केली आहे,

अशा विभागातील केवळ ११ कारखान्यांना गाळप परवाना मिळाल्याची माहिती प्रादेशिक सहसंचालक (साखर) सचिन रावल यांनी दिली. ...यांना दिला गाळप परवाना यात जी-७ शुगर (जुना गंगाखेड शुगर), सिद्धी शुगर लि., श्रीसंत शिरोमनी मारोती महाराज सहकारी साखर कारखाना लि., शुभाष शुगर, शिरुर शुगर, योगेश्‍वरी शुगर, एमव्हीके शुगर, कुंटूरकर शुगर, रेणुका शुगर, बळीराजा शुगर व रेणा शुगर या कारखान्यांचा समावेश आहे.