Sangli News : फवारणीसाठी अत्याधुनिक तंत्रज्ञानाने युक्त असा ‘किसान ड्रोन’ शेतकऱ्यांना फायदेशीर ठरत आहे. ‘जीइएनपीएस सोल्युशन्स’ कंपनीचा डीजीसीए मान्यता प्राप्त ड्रोन आहेत.

अग्रोन-x, अग्रोन-x अॅडव्हान, अग्रोन-x प्रो असे तीन प्रकारचे किसान ड्रोन शेतकऱ्यांसाठी उपलब्ध केले आहेत. फळबाग, ऊस, मका, यासह कडधान्ये, तूर आदी पिकांच्या फवारणीसाठी उपयुक्त ठरला आहे, असा दावा किसान ड्रोनचे वितरक सौरभ घेवारी, विक्रेत विक्रम पानसरे यांनी केला.

त्यांनी सांगितले, की गेल्या चार ते पाच वर्षांपासून कीडनाशक फवारणीसाठी किसान ड्रोन ही कंपनी कार्यरत आहे. या ड्रोनची फ्रेम पूर्णतः भारतीय निर्मितीची आहे. अग्रोन-x, अग्रोन-x अॅडव्हान, अग्रोन-x प्रो असे तीन प्रकार आहेत.

त्यापैकी अग्रोन-x अॅडव्हान, अग्रोन-x प्रोमध्ये विविध फिचर आहेत. डीजीसीए भारत सरकारने या ड्रोनला मान्यता दिली आहे. गेल्या सहा-सात महिन्यांत राज्यात १२ हून अधिक ड्रोन शेतकऱ्यांनी खरेदी केले आहेत.

प्रामुख्याने ऊस उत्पादक शेतकरी ड्रोनने फवारणी करण्यासाठी पसंती देत आहेत. एका बॅटरीची क्षमता चार एकरावर फवारणी इतकी आहे. प्रतिदिन कमाल २५ एकरावर फवारणी करण्याची क्षमता या ड्रोनची आहे. ड्रोन चालवण्यासाठी पालयट प्रशिक्षण घेणे महत्त्वाचे आहे.