Nepal Tomatoes : टोमॅटोच्या वाढत्या किमती कमी करण्यासाठी सरकारने नेपाळमधून टोमॅटोची आयात सुरू केली आहे. नेपाळमधून आयात केलेल्या टोमॅटोची पहिली खेप आज (ता. ११) रोजी वाराणसी आणि कानपूरला पोहोचणार आहे. केंद्रीय अर्थमंत्री निर्मला सीतारामन यांनी लोकसभेत अविश्वास प्रस्तावावरील चर्चेदरम्यान ही माहिती दिली.
अर्थमंत्र्यांनी सांगितले की, नॅशनल कोऑपरेटिव्ह कंझ्युमर फेडरेशन ऑफ इंडिया (NAFED) या आठवड्याच्या अखेरीस दिल्ली-NCR मध्ये 70 रुपये प्रति किलो अनुदानित दराने टोमॅटोची मेगा विक्रीची योजना करण्यात येणार आहे. एनसीसीएफने आजपर्यंत राजस्थान, दिल्ली-एनसीआर आणि उत्तर प्रदेशमध्ये ८ लाख ८४ हजार ६१२ किलो टोमॅटो विकले आहेत. हे पुढील दिवसांमध्ये सुरू राहील. तसेच पुरवठा वाढवला जाईल.
घाऊक बाजारात टोमॅटोचे भाव १०० रुपयांच्या खाली आले आहेत. महाराष्ट्र, आंध्र प्रदेश आणि कर्नाटकातील टोमॅटो उत्पादक प्रदेशातून टोमॅटोची खरेदी केली जात आहे. बिहार, पश्चिम बंगाल, उत्तर प्रदेश, दिल्ली आणि राजस्थानमध्ये एनसीसीएफ आणि नाफेड सारख्या सहकारी संस्थांमार्फत टोमॅटोची विक्री केली जात आहे.
टोमॅटोच्या वाढत्या किमती कमी करण्यासाठी सरकारने १४ जुलै रोजी योजना लागू केली. या योजनेअंतर्गत एनसीसीएफ आणि नाफेडने ९० रुपये किलो दराने टोमॅटोची विक्री सुरू केली. यानंतर सरकारने टोमॅटोचे दर १६ जुलै रोजी १० रुपयांनी कमी करून ८० रुपये केले. त्याच वेळी, 20 जुलै रोजी, पुन्हा एकदा किंमतीवर कर लावल्यानंतर, ₹ ७० / किलो दराने विक्री सुरू केली.
टोमॅटोचे उत्पादन जवळपास प्रत्येक राज्यात होते. तर देशाच्या एकूण उत्पादनात दक्षिणेकडील आणि पश्चिमेकडील प्रदेशांचा वाटा सुमारे ६०% आहे. भारतातील इतर भागांमध्ये टोमॅटोचा सतत पुरवठा सुनिश्चित करण्यासाठी या प्रदेशांमधील अतिरिक्त उत्पादनाचा वापर केला जातो.
गेल्या तीन वर्षांत पावसाळ्यातही टोमॅटोच्या दरात वाढ झाल्याचे दिसून येत आहे. गेल्या वर्षी म्हणजेच २०२२ च्या जूनमध्ये टोमॅटोचा भाव ६० ते ७० रुपये किलोवर पोहोचला होता. यापूर्वी २०२१ मध्ये किंमत १०० रुपयांपर्यंत पोहोचली होती आणि २०२० मध्ये किंमत ७०-८० रुपये प्रति किलोपर्यंत पोहोचली होती.
२०२१-२२ मध्ये भारतात २०दशलक्ष टनांहून अधिक टोमॅटोचे उत्पादन झाले.मध्य प्रदेश हे देशातील सर्वात मोठे टोमॅटो उत्पादक राज्य आहे. यानंतर आंध्र प्रदेश, कर्नाटक, तामिळनाडू, ओडिशा आणि गुजरात ही टोमॅटो उत्पादक राज्ये आहेत.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.