Satara News: उपमुख्यमंत्री आणि राज्याचे अर्थमंत्री अजित पवार यांनी साताऱ्यातील दहिवडी येथील एका कार्यक्रमात शेतकऱ्यांना कर्जमाफीबाबत पुन्हा एकदा केवळ आश्वासनच दिले. योग्य वेळी कर्जमाफीचा निर्णय घेतला जाईल, असे सांगत त्यांनी महायुती सरकारच्या जाहीरनाम्याचा दाखला दिला. अतिवृष्टीमुळे शेतकऱ्यांचे झालेले नुकसान आणि वाढती कर्जमाफीची मागणी लक्षात घेता, सरकारने यासाठी एक समिती नेमली असल्याचं ते म्हणाले..राज्यात १० ते २० ऑगस्ट दरम्यान झालेल्या पावसामुळे शेतकऱ्यांचे मोठे नुकसान झाले आहे. यामुळे शेतकऱ्यांमध्ये कर्जमाफीची मागणी जोर धरू लागली आहे. अनेक शेतकरी आर्थिक अडचणीत सापडले असून, त्यांना कर्जमाफीची अपेक्षा आहे. या पार्श्वभूमीवर अजित पवार यांनी साताऱ्यातील एका पक्षप्रवेश कार्यक्रमात बोलताना ही माहिती दिली. या कार्यक्रमात शरद पवार गटाचे अनिल देसाई यांनी महायुतीत प्रवेश केला..Farmer Loan Waiver: सरसकट कर्जमाफीला सरकारचा नकार; समितीचा अहवाल आल्यानंतर कर्जमाफी जाहीर होणार!.अजित पवार म्हणाले, "आम्ही कर्जमाफीच्या आश्वासनापासून कधीच मागे हटलो नाही. महायुतीच्या जाहीरनाम्यात कर्जमाफीचा उल्लेख स्पष्टपणे केला आहे. या निर्णयासाठी आर्थिक बाबींचा बारकाईने विचार करावा लागेल. त्यासाठीच आम्ही एक समिती नेमली आहे. ही समिती योग्य माहिती गोळा करेल आणि त्यानंतर योग्य वेळी कर्जमाफीचा निर्णय घेतला जाईल.".Farmer Loan Waiver: लोकसभेत केंद्रीय कृषिमंत्र्यांनी दिली थकीत कर्जाची माहिती.शेतकऱ्यांवरील आजपर्यंतचे कर्ज…महाराष्ट्रातील शेतकऱ्यांवर मार्च २०२४ पर्यंत ₹७.३८ लाख कोटी इतके सर्व प्रकारचे थकीत कर्ज होते. डिसेंबर २०२४ पर्यंत बँकांकडून ₹२ लाख ६३ हजार २०३ कोटी इतके शेती कर्ज ही थकलेली रक्कम होती. त्याचबरोबर, जुलै २०२५ च्या आकडेवारीनुसार, महाराष्ट्रातील शेतकऱ्यांवर थकीत कर्ज ₹८ लाख ३८ हजार २४९ कोटी इतके होते, ज्यात व्यावसायिक, सहकारी आणि क्षेत्रीय ग्रामीण बँकांचे कर्ज समाविष्ट आहे..राज्यातील शेतकऱ्यांना कर्जमाफी मिळण्याची प्रतीक्षा आहे. उपमुख्यमंत्री अजित पवार यांच्या या आश्वासनामुळे शेतकऱ्यांमध्ये आशेचा किरण निर्माण झाला आहे. आता सर्वांचे लक्ष समितीच्या अहवालाकडे आणि सरकारच्या पुढील निर्णयाकडे लागले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
